martes, 17 de febrero de 2026
En concreto, lembrou que este é o cuarto curso no que a educación infantil é totalmente gratuíta en todas as escolas desta etapa en Galicia, tanto as públicas como as privadas ou de iniciativa social.
A gratuidade das escolas 0-3 é unha medidas pioneiras impulsadas pola Xunta para apoiar a conciliación e, por iso, o vindeiro ano reforzarase cun investimento de 68 millóns de euros de fondos propios; xa que pese as reiteradas promesas do Goberno central segue sen achegar financiamento para axudar ás familias. Por iso, o obxectivo do Executivo autonómico é seguir consolidando estas cifras que demostran que Galicia é un referente na escolarización infantil.
Grazas a esta medida pioneira posta en marcha pola Xunta xa son arredor de 32.000 familias as que poden desfrutar do servizo de educación infantil máis completo con atención gratuíta 8 horas diarias durante 11 meses, cun aforro medio por fillo que ascende aos 3.000 euros anuais.
Outros recursos de conciliación
Ademais, Galicia impulsou recursos específicos para apoiar ás familias do rural como as casas niño, que atenden ata cinco nenos e nenas de entre 0 e 3 anos de xeito gratuíto nos municipios máis despoboados e xa están presentes en máis de 100 localidades.
Outro das medidas creadas pola Xunta para facilitar a conciliación familiar, especialmente nos períodos non lectivos é o Bono Concilia Familia, e que neste 2025 chegou a preto de 14.000 unidades. Grazas a esta achega económica directa poden sufragar os custos de diferentes servizos de atención e coidado como os campamentos, as ludotecas ou persoal especializado á domicilio. En concreto, o goberno galego inviste 2,5 millóns de euros para financiar esta prestación.
A Xunta de Galicia abre a finais do mes de febreiro no Museo Centro Gaiás As estacións do ano na arte galega dos séculos XX e XXI, unha exposición concibida como experiencia sensorial e inmersiva ao redor das representacións estéticas da primavera, o verán, o outono e o inverno galegos. Xogando coa colocación das obras no espazo, así como coa temperatura, as cores, os sons e as texturas, As estacións do ano constrúe un itinerario singular pola historia da arte que vai desde o Movemento Rexionalista de comezos do pasado século ata as xeracións máis novas que están a gañar recoñecemento a nivel estatal e internacional.
A conselleira do Mar, Marta Villaverde, reiterou hoxe a necesidade de que o Executivo estatal rebaixe o IVE dos produtos pesqueiros, unha demanda persistente do conxunto da cadea mar-industria galega que, segundo subliñou, permitiría favorecer hábitos de alimentación saudable e reforzar un sector estratéxico para Galicia. A responsable autonómica insistiu nesta petición durante a inauguración da xornada A fiscalidade dos alimentos: retos e realidade no sector primario, organizada pola Unión de Consumidores de Galicia (UCGAL) en colaboración co Consello Económico e Social. Tamén incidiu en que o peixe, o marisco e as conservas constitúen alimentos de alto valor nutricional e recordou que Galicia leva anos defendendo que deben ser considerados produtos básicos tamén desde o punto de vista fiscal.
