martes, 3 de marzo de 2026
O INE informa tamén que no mes de novembro se aloxaron nos hoteis e pensións galegas 286.834 persoas que fixeron 539.347 noites. O nivel de noites deste ano mantense por riba de toda a serie anterior a 2024, superando por segundo ano consecutivo as 530.000 noites.
Neste sentido, cos datos actuais e a falta de contar cos datos de turismo rural, albergues e cámpings de novembro que se farán públicos proximamente, no acumulado entre xaneiro e novembro, Galicia rexistra 6,9 millóns de viaxeiros aloxados (+2,4%) que fixeron 12,9 millóns de noites (+1,8%).
As cifras do sector hoteleiro para o mes de novembro revelan que 80% das noites hoteleiras corresponden ao turismo de ámbito nacional, segmento no que ten un maior peso o receptor -españois que proceden doutras comunidades autónomas pois representan o 48% do total-. O mercado interno, dos residentes en Galicia, absorbe o 32%. O mercado internacional supón o 20% das noites nos establecementos galegos.
Co 43% das noites hoteleiras A Coruña lidera en novembro, por terceiro mes consecutivo, o mercado turístico hoteleiro, seguida de Pontevedra, co 34%, por diante de Lugo e Ourense, co 13% e 10% do total, respectivamente.
A Filmoteca de Galicia programa en marzo unha carteleira marcada polo inicio dun ciclo dedicado ao cineasta alemán Rainer Werner Fassbinder, que se prolongará ata maio, e pola celebración dunha nova edición de Olladas de muller en colaboración co Consello da Cultura Galega. Ao tempo, a Sala José Sellier acolle o peche do especial Béla Tarr / László Krasznahorkai, tres miniciclos de dúas sesións con presentacións e coloquios e novas propostas de Fóra de serie, Off Galicia, Filmoteca Júnior e Materiais para unha historia do cine en Galicia. A partir do 17 de marzo, a cinemateca da Xunta inicia Rainer Werner Fassbinder (I) cun primeiro bloque de proxeccións con versións restauradas que abre o ciclo sobre o realizador xermano, un dos principais representantes do Novo Cinema Alemán dos anos sesenta e setenta.
O presidente da Xunta, Alfonso Rueda, destacou que Galicia pechou o 2025 nunha situación de 'equilibrio', mantendo un 'alto nivel de execución orzamentaria e sen déficit', o que permitiu reforzar as políticas de gasto en servizos públicos. Así o reflicte o informe presentado ao Consello da Xunta pola Consellería de Facenda relativo ao avance de peche do exercicio do pasado ano. O documento destaca a execución dos gastos correntes, vinculados principalmente aos servizos públicos, que chegou ao 106% dos créditos iniciais, aumentando en 555 millóns de euros. Reflicte, tamén, a boa execución do orzamento, que se sitúa no 97,4%, e dos fondos propios, que chega ao 101% dos créditos iniciais.
