sábado, 15 de noviembre de 2025
Un ano máis, Turismo de Galicia non falta á súa cita coa Feira INTUR de Valladolid, un encontro que alcanza xa a 28 edición, e que inclúe ademais do espazo expositivo, un programa con xornadas dirixidas ao sector profesional e outras actividades que teñen o seu obxectivo no público en xeral.
A Xunta acode a esta cita anual con todo o seu abano de propostas de turismo rural e de interior con produtos tan propios da oferta galega coma o Outono Gastronómico ou os Trens Turísticos que poñen en valor experiencias en contacto coa natureza, a enogastronomía e o Camiño de Santiago, entre outras propostas. O turismo musical coa marca Concertos do Xacobeo serán outra das propostas que exhibirá Turismo de Galicia nesta cita.
INTUR Valladolid reúne a 70 turoperadores procedentes de 20 países de Europa, América e Asia que buscan coñecer propostas que lles permitan deseñar e atender a demandas actuais que buscan experiencias exclusivas, personalizadas, accesibles que inclúan mascotas, dirixidas a viaxeiros senior, familias e grupos organizados, parellas e viaxeiros individuais.
A cita celébrase como no recinto de Feria de Valladolid e Turismo de Galicia participa cun stand institucional despregado nunha superficie de 100m2 para dar a coñecer de xeito personalizado, os recursos e produtos turísticos da comunidade.
Durante a xornada de onte, INTUR Negocios centrou a súa actividade no sector cunha xornada dirixida a incentivar o negocio turístico coa participacións dos principais axentes da actividade turística. Ademais, tamén tivo lugar o mercado de contratación INTUR B2B e o foro de análise e coñecemento, INTUR Talks.
As xornadas deste venres, sábado e domingo, a cita está aberta ao público en xeral que pode coñecer o máis de un millón de propostas relacionadas con destinos, aloxamentos, plans e empresas de servizos.
Segundo o INE, de xaneiro a setembro, máis de 6 millóns de persoas aloxáronse nos establecementos turísticos de Galicia, superando tamén os 11,2M de noites e rexistrando uns crecementos do 3,2% en viaxeiros e 2,6% en demanda turística. O 71% da demanda corresponde ao turismo nacional que experimenta un crecemento do 2,3% con respecto aos nove primeiros meses de 2024. Por comunidades, Madrid é a que achega o maior número de viaxeiros achegándose aos 500.000, seguida de Andalucía e Castela e León.
Sete creadores galegos participarán en Madrid no espazo Ventá á literatura galega, no marco do Festival EñeEsta cita internacional reúne, desde principios desta semana e ata o 30 de novembro, 180 autores de 23 países de Europa e Latinoamérica nun total de 90 actos que se están a desenvolver nesta cidade e na de Málaga. O festival contará coa presenza dos guionistas Pepe Coira e Araceli Gonda, a compositora e música Su Garrido e os poetas Samuel L. París, Olga Novo e Miriam Reyes, estas dúas últimas Premios Nacionais de Poesía 2025 e 2020, respectivamente. Deste xeito, baixo a ollada de Camilo Franco, despregaranse tres encontros que 'permitirán dar a coñecer como se contan hoxe as historias desde Galicia e como a creación contemporánea rompe os límites entre xéneros e formatos'.
O proxecto Green Gap para a Eurorrexión Galicia-Norte de Portugal ten como obxectivo contribuír a que as administracións locais xoguen un papel máis relevante na promoción das infraestruturas verdes nesta área transfronteiriza. Cun orzamento de máis de 2,1 millóns de euros, financiado no marco do Programa Interreg España-Portugal, na iniciativa participan un conxunto de entidades locais, administracións supramunicipais e entidades universitarias da Eurorrexión Galicia-Norte de Portugal.
