martes, 9 de junio de 2026
A selección española de fútbol sub-21 xogará en Lugo o venres 14 de novembro o partido contra o San Marino clasificatorio para o Campionato de Europa 2027. O delegado territorial de Lugo, Javier Arias, destacou hoxe, durante a presentación da cita, que a Xunta apoiou desde o primeiro momento á Federación Española de Fútbol para que este evento internacional se celebrara no estadio Anxo Carro.
No acto, celebrado na Delegación Territorial, participaron tamén o seleccionador nacional, David Gordo; o presidente da Real Federación Galega de Fútbol, Pablo Prieto; e o presidente do CD Lugo, Ronald Baroni, entre outros.
O encontro, que comezará ás 20,45 horas, corresponde á fase de clasificación para o Europeo 2027, que se celebrará en Albania e Serbia coa participación de 16 seleccións. España encadea un pleno de vitorias nas tres xornadas disputadas e lidera o grupo que comparte con Romanía, Finlandia, Kosovo, Chipre e San Marino.
As entradas están a venda a través da plataforma oficial da Real Federación Española de Fútbol e os clubs deportivos da cidade contan cunha promoción especial. Ata o momento vendéronse xa arredor de 2.200 localidades.
O seleccionador nacional, David Gordo, amosou a súa satisfacción por disputar este partido en Lugo, unha cidade na que se respira ambiente de fútbol, cunha afección espectacular e agradeceu o apoio da Xunta para traer á cidade este encontro, que servirá tamén para promover o fútbol entre os máis novos, xa que pode ser o espello no que moitos mozos e mozas se miren.
Javier Arias puxo tamén en valor esta aposta por Lugo e pola mocidade e destacou que comeza a conta atrás para unha cita deportiva de gran calado para Lugo, na que teremos a oportunidade de ver a algúns dos xogadores que máis despuntan no panorama nacional, e que suporá ademais unha importante proxección internacional para a cidade.
O delegado aplaudiu que a RFEF elixira o estadio Anxo Carro e explicou que poñemos á súa disposición unhas boas instalacións, e verán en marcha un proxecto de reforma e modernización que agardo que os anime a contar co noso estadio en máis ocasións.
A Xunta está a investir preto de 3,6 millóns de euros nas obras que transformarán as principais bancadas e outros espazos do complexo deportivo. A previsión é que os traballos estean rematados para o comezo da próxima tempada.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
