miércoles, 29 de julio de 2026
Precisamente, o segmento hoteleiro rexistra o 70% da demanda total que se distribúe nun 56% en hoteis e un 14% en pensións. O 30% restante corresponde aos aloxamentos extrahoteleiros: un 11% en cámpings, un 9% en albergues, un 7% en apartamentos turísticos e un 3% en turismo rural.
Por mercados, o 71% da demanda corresponde ao turismo de ámbito nacional, porcentaxe que engloba ao interno -dos residentes en Galicia, segmento que supón o 23% do total- e ao que procede das restantes comunidades autónomas -mercado receptor nacional, que representa o 48%-. O mercado internacional absorbe o 29% do total da demanda, peso superior ao do interno. Por mercados, os mercados estranxeiros que medraron foron EEUU, que incrementou o 13,5%, Reino Unido tamén cunha suba do 13,3% e Alemaña que incrementou o +2,1%.
Cabe salientar que que atinxe a demanda, tanto o mercado nacional coma o internacional acadan senllos máximos da serie histórica con 5,36 millóns de noites no caso do nacional e máis de 3,3 millóns de noites no internacional.
Os datos do INE tamén recollen o comportamento só no mes de setembro cando visitaron Galicia 878.106 persoas facendo máis de 1,5 millóns de noites.
Celebrouse hoxe a reunión do Comité Internacional de Expertos do Camiño de Santiago, na que se avanzou na organización do I Congreso Internacional de Estudos sobre as Peregrinacións, unha das principais iniciativas académicas deste órgano dentro do programa do Xacobeo 2027. Durante a sesión, que tivo lugar na sede do Consello Económico e Social de Galicia, abordáronse cuestións de carácter organizativo e científico relativas a este encontro internacional, que se celebrará en Santiago de Compostela no mes de maio de 2027 baixo o lema 'O futuro da peregrinación: camiños en transformación'. A cita reunirá investigadores, académicos e especialistas de diferentes países para reflexionar sobre a evolución das peregrinacións desde unha perspectiva histórica, cultural, patrimonial, espiritual e social.
A Xunta de Galicia traslada de xeito permanente a Santa de Asorey a Galicia coincidindo co centenario da súa creación, no ano 1926. Así, tras máis de sete décadas en Montevideo, e emblemática obra realizada por Francisco Asorey pasará a estar exposta na Cidade da Cultura. Considerada unha das obras clave para comprender a traxectoria de Asorey, a Santa é unha das pezas máis relevantes da escultura galega do século XX, ademais dun ben cultural fundamental da memoria artística e da emigración galega. Así mesmo, está considerada un símbolo da modernización artística e cultural de Galicia no primeiro terzo do século pasado.
