martes, 27 de octubre de 2026
O 80% deses importes corresponden aos concellos. Atendendo á súa natureza económica, o 46% dos ingresos que obteñen as entidades locais proceden de transferencias doutras administracións públicas.
Con relación ao exercicio 2023 é de destacar o incremento nun 50% da porcentaxe de rendición dos concellos de máis de 50.000 habitantes, do 20% dos concellos de 10.001 habitantes a 20.000 habitantes e a significativa mellora (15%) na rendición en prazo das mancomunidades de Galicia.
No prazo de seis meses desde a fin da rendición, é dicir, o 15 de abril de 2026, o Consello de Contas de Galicia publicará o «Informe da conta xeral das Entidades Locais de Galicia».
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
