domingo, 19 de abril de 2026
A Consellería de Cultura, Lingua e Xuventude organiza o ciclo de concertos Xoán Montes ao piano - O son do pasado que conmove o presente, con seis actuacións noutras tantas cidades e localidades galegas entre elas Monforte de Lemos e Lugo - durante os meses de outubro e novembro.
A Delegación Territorial da Xunta acolleu hoxe a presentación do programa, coa presenza do delegado territorial, Javier Arias, e dun dos intérpretes que participan no proxecto, Javier Ares Espiño, catedrático de piano no Conservatorio Superior de Música da Coruña.
A idea de divulgar a creación musical dun compositor lucense do Rexurdimento é o eixe deste ciclo de concertos de homenaxe a Xoán Montes na súa faceta como pianista. A súa produción para este instrumento é a parte máis descoñecida do seu catálogo e representa unha parte esencial do patrimonio cultural galego no eido musical.
Xunto con Javier Ares Espiño, encargaranse das interpretacións Jorge Briones Martínez e Pablo Diago Busto, todos eles con sólidas traxectorias artísticas e consolidados como referentes na recuperación e posta en valor da música galega dos séculos XIX, XX e XXI.
Os concertos do mes de outubro comezarán o vindeiro sábado día 11 no Liceo de Ourense ás 19,30 horas -; para continuar o venres 17 na Casa da Cultura de Monforte de Lemos 20,15 h. -; o sábado 18 no auditorio municipal de Rianxo 20,30 h. -; e o xoves 23 na Casa do Saber de Lugo 20,30 h. -.
As actuacións continuarán o venres 14 de novembro no auditorio do Pazo da Cultura de Carballo 21,00 h. - e o sábado 15 no Edificio Castelao do Museo de Pontevedra 19,00 horas -. As entradas a todos os concertos serán gratuítas ata completar aforo.
A iniciativa está promovida pola Xunta en colaboración co Liceo de Ourense, a Sociedade Filharmónica de Monforte de Lemos, o Concello de Rianxo, o Vicerreitorado de Estudantes e Cultura da USC do Campus de Lugo, o Concello de Carballo, o Museo de Pontevedra, o Grupo Organistrum da USC, o proxecto Estudos históricos de Música en Galicia e América (ss. XI-XX); e o proxecto de I+D+i Galicia-América: Música civil, ideoloxía e identidades culturais a través do Atlántico (1800-1950).
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
