viernes, 18 de septiembre de 2026
A directora da Axencia Galega de Innovación, Carmen Cotelo, participoou hoxe na inauguración da décimo segunda edición de BioSpain, unha das principais citas do sector biotecnolóxico europeo, que se celebra do 7 ao 9 de outubro en Barcelona. A este encontro acude unha delegación galega, liderada pola Xunta de Galicia, co obxectivo de establecer alianzas estratéxicas, amosar o potencial innovador do sector e xerar novas oportunidades de colaboración e investimento.
A representante da Consellería de Educación, Ciencia, Universidades e FP destacou o carácter estratéxico para Galicia do sector biotecnolóxico, tal e como establece o Plan galego de investigación e innovación 2025-27. Ademais, avanzou novas medidas de apoio aos axentes nos ámbitos da I+D empresarial, a transferencia, o fomento do emprendemento biotecnolóxico e o fortalecemento da colaboración público-privada.
A directora da Axencia tamén puxo en valor as capacidades do ecosistema biotecnolóxico galego nun evento enmarcado nesta cita que organizou Galicia este luns: o Galicia Bio Event. Un centenar de asistentes acudiron a esta cita con representantes da cadea de valor da I+D+i biotecnolóxica. Entre elas, entidades como Catalonia Health ou Bühler Group, empresas como Klinea, entidades como SDDN e o Hospital de Sant Pau, así como o conxunto de asistentes desprazados desde a comunidade galega.
A asistencia de Galicia a esta cita enmárcase na Estratexia de consolidación do sector biotecnolóxico galego 2021-2025, que aspira a posicionar á Comunidade como referente internacional e potenciar a colaboración entre empresas, universidades e centros de investigación. Galicia leva mobilizados máis de 370 millóns no período 21-23 no marco desta estratexia. Ademais, sitúase como a segunda rexión máis bioemprendedora no período 21-23 e a terceira comunidade que experimentou un maior incremento no gasto en I+D, o que supuxo un investimento de máis de 147M en 2023.
O mellor camiño en biotecnoloxía
Baixo a marca Galicia: o mellor camiño en biotecnoloxía, a delegación galega está amosando na feira o potencial científico e empresarial da Comunidade. Ademais da Axencia Galega de Innovación, a delegación conta coa participación da Axencia de Coñecemento en Saúde (ACIS), XesGalicia e as fundacións públicas dos Institutos de Investigación sanitaria IDIS, IISGS e INIBIC, as agrupacións industriais Bioga, Clúster Saúde de Galicia e VIRATEC, e as tres universidades públicas galegas: Universidade de Santiago de Compostela, Universidade de Vigo e Universidade da Coruña. En total, a comitiva aglutina a máis de 160 empresas a través destas agrupacións industriais, tres universidades e tres fundacións sanitarias, unha mostra da diversidade e da solidez do ecosistema galego biotech.
Galicia conta cun espazo propio no pavillón institucional, onde se presentarán proxectos estratéxicos, capacidades científicas e oportunidades de colaboración. Este espazo servirá para fomentar a transferencia de coñecemento, establecer contactos internacionais e atraer investimento ao sector galego.
Un millar de entidades innovadoras
BioSpain 2025, organizado pola Asociación Española de Bioempresas (Asebio) en colaboración con Biocat, a Generalitat de Catalunya e o Concello de Barcelona, reúne ata o xoves a preto de 1.000 entidades innovadoras, máis de 2.200 profesionais de 34 países, uns 260 expositores e máis de 80 investidores, segundo a organización. O seu obxectivo é impulsar a innovación, o investimento, a colaboración e as novas oportunidades de negocio en biotecnoloxía.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
