viernes, 17 de abril de 2026
O conselleiro de Cultura, Lingua e Xuventude, José López Campos, celebrou hoxe a unión artística de Jaione Camborda, Max Estebam e Joan Fontcuberta na experiencia inmersiva Percepción e incerteza, coa que o Centro Galego de Arte Contemporánea arranca a súa programación de outono.
Acompañado polo director xeral de Cultura, Anxo M. Lorenzo, o representante da Xunta inaugurou esta proposta artística que permite o diálogo entre tres grandes creadores actuais que traballan coa imaxe en movemento desde perspectivas moi distintas, pero das que son nomes referentes, salientou ao respecto do cinema, de Jaione Camborda; do vídeo, de Max de Esteban, e da fotografía, de Joan Fontcuberta.
López Campos gabou o resultado reflexivo e crítico deste proxecto no que cada unha das pezas dos tres artistas aborda os conceptos de percepción e da incerteza desde canda súa disciplina. Deste xeito, Jaione Camborda afonda no universo dunha persoa xordocega en relación coas posibilidades e contradicións do mundo cuántico. Pola súa banda, a obra de Max de Esteban, reunida nun díptico, advirte desde unha perspectiva distópica da manipulación da ciencia ao servizo da bieconomía e da infopolítica. Mentres, Fontcuberta explora a maxia da intelixencia artificial e o seu potencial como xeradora de experiencias visuais inéditas.
Tras a inauguración esta mañá, os artistas manterán esta mesma tarde, ás 18,30 horas, unha conversa aberta ao público co comisario da mostra e director do Centro Galego de Arte Contemporánea, Santiago Olmo, sobre a orixe e resultado deste proxecto, que poderá verse ata o 8 de febreiro.
Os creadores
A cineasta Jaione Camborda (Donostia-San Sebastián, 1983) traballa desde a materia, o corpo e a memoria para construír narrativas sensoriais e profundamente enraizadas no territorio. Formada na escolas de cinema de Praga e Munich, a súa carreira está ligada ao Novo Cinema Galego, como directora de arte ou produtora. Coa súa película O Corno foi a primeira directora española en gañar a Cuncha de Ouro no Festival Internacional de Cinema de San Sebastián.
O artista Joan Fontcuberta (Barcelona, 1955) é tamén ensaísta, docente e comisario de exposicións. O seu traballo de creación soen centrarse nos conflitos entre natureza, tecnoloxía, fotografía e verdade, e foi obxecto durante catro décadas de numerosas mostras persoais e publicacións monográficas. A súa obra expúxose en museos como o MoMA, de Nova York; o Art Institute, de Chicago; o Maison Européenne de la Photographie, de París, ou o Science Museum, de Londres.
O artista visual Max de Esteban (Barcelona, 1959) traballa principalmente con fotografía e vídeo. É recoñecido polo seu compromiso social moi crítico co capitalismo contemporáneo. Os seus proxectos exhibíronse en institucións internacionais como o Jeu de Paume, de París; o Museo de Belas Artes, de Houston; o Deutsche Technik Museum ,de Berlín; a Virreina Centre de la Imatge, de Barcelona ou Palacio de Toquio, de París, entre outros moitos. A súa obra forma parte das coleccións de museos de todo o mundo.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
