martes, 22 de septiembre de 2026
O presidente da Xunta, Alfonso Rueda, presentou hoxe na Casa de Galicia en Madrid os Concertos do Xacobeo 2025, unha iniciativa que considera clave para reflectir o modelo turístico e cultural polo que aposta Galicia: un turismo de calidade, sustentable e auténtico.
Na presentación, que contou coa participación do alcalde de Madrid, José Luis Martínez Almeida, o presidente autonómico remarcou que a música tamén é o Camiño destacou que esta Galicia de brazos abertos, esta Galicia na que non nos sobra ninguén e todo o mundo é benvido conta cunha oferta enorme grazas a unha potencia cultural que sempre estivo aí e que cada vez colle máis nome.
Durante o acto, que contou coas interpretacións musicais de Luz Casal e Xosé Manuel Budiño, o titular do Goberno galego sinalou que nesta rampla de lanzamento que temos ata o ano 2027 coa celebración do vindeiro Ano Santo a música vai ter moitísimo que ver, poñendo en valor tamén a importancia da gastronomía, o clima ou a paisaxe dentro do atractivo turístico da Comunidade.
O presidente da Xunta subliñou a colaboración público-privada como un dos piares do éxito da proposta dos Concertos do Xacobeo, apuntando que as empresas musicais crean marca Galicia e instou ao Goberno central a activar exencións fiscais para as empresas colaboradoras, tal e como se fai noutros territorios con celebracións culturais de relevancia. Espero que os incentivos fiscais que se nos comprometeron xa a partir de xaneiro deste ano e que non chegaron aínda cheguen canto antes, sinalou.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López.
A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
Presentación no Teatro Eslava
Ao acto de presentación dos Concertos do Xacobeo 2025 celebrado esta mañá seguiralle xa pola tarde un concerto para diferentes prescritores, turoperadores e medios especializados no Teatro Eslava. O programa conta coas actuacións de Carlos Ares, Xoel López e Señora DJ.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
