martes, 20 de octubre de 2026
Para seguir axilizando os tempos e ampliando os servizos, Rueda instou ao Goberno central a cumprir coa Lei de Dependencia e a aboar a Galicia os máis de 2.500 M de débeda contraída nesta materia.
Por último, o titular do Goberno galego sinalou que as persoas maiores son unha parte fundamental de Galicia e que o obxectivo é seguilas respectando e defendendo, por iso incidiu en que se están a impulsar máis medidas como a creación de 1.800 novas prazas en residencias, as estratexias de loita contra o idadismo e a soidade non desexada ou o impulso do envellecemento activo.
Datos de emprego
Na súa intervención, o presidente da Xunta fixo balance dos datos de emprego coñecidos recentemente, afirmando que son bos para a Comunidade galega pero que se debe traballar para melloralos e que Galicia siga sendo unha terra de futuro.
Neste sentido, Rueda mencionou que o desemprego na nosa comunidade acadou no mes de abril o seu mínimo histórico, con 115.545 persoas caendo, tanto a nivel interanual como intermensual, nas catro provincias, nas sete cidades e en todos os sectores produtivos, así como que obtivo o mellor nivel de afiliacións nun mes de abril de toda a serie, con 1.087.434 persoas.
Ademais, Galicia foi a terceira comunidade na que máis baixou o paro no último ano, evolucionando tres puntos mellor que na media nacional, e conseguiu atallar nos últimos meses o problema do absentismo laboral. Así, por exemplo, no ano 2025 a prevalencia dos procesos que duraron un mes reduciuse nun 14,68 respecto do ano 2024 ou a prevalencia dos procesos que duraron 10 meses reduciuse nun 14,36 respecto do ano 2025.
O presidente da Xunta, Alfonso Rueda, informou de que o Consello aprobou hoxe a Estratexia Galega de Innovación Empresarial, 'con horizonte 2028 e dotada de máis de 400 millóns de euros'. O obxectivo é apoiar ao tecido produtivo para que 'a innovación forme cada día máis parte das empresas', algo fundamental para 'ser máis competitivos e non quedar atrás' nun mundo cada vez máis global e tecnolóxico. Baixo o nome Galicia, fábrica de Innovación, a nosa Comunidade contará por primeira vez cunha estratexia específica para a innovación, un conxunto de medidas cun marco común para coordinar e reforzar os instrumentos de apoio existentes e incorporar outros cunha prioridade: industrializar a innovación.
A Xunta de Galicia pon en marcha no Centro Galego de Arte Contemporánea o Club de escoita, unha actividade na que as persoas participantes lle porán banda sonora ás creacións artísticas que acolle esta entidade pública e que está dirixida polo músico galego Santi Araújo. O proxecto, que bota a andar a tarde de hoxe e desenvolveranse ata finais de maio, complementarase cunha actividade que se desenvolverá no pub Modus Vivendi, na nova liña estratéxica do Centro Galego de Arte Contemporánea de abrir aínda máis a súa programación á sociedade en contacto co resto de accións culturais que se levan a cabo na súa contorna.
