jueves, 5 de noviembre de 2026
Deste xeito, o Goberno galego, a través do conselleiro Villares, aproveitou a primeira visita que o chipriota realiza a España dende a súa designación como comisario europeo de Pesca dentro do Executivo comunitario, para facer valer o que é unhas das reivindicacións máis destacadas da frota galega: un cambio normativo para que a PPC sexa máis social e máis adaptada a desafíos como o clima e o relevo xeracional. Cabe destacar que a española é a primeira pesqueira da Unión con 8.432 barcos, dos que 4.153 son galegos, aos que hai que engadir os 1.283 auxiliares de acuicultura.
Este encontro enmárcase na consulta pública que Europa abriu sobre a normativa europea. De feito, a previsión anunciada é que a finais do verán o Executivo comunitario presentará un informe, deixando os posibles cambios lexislativos para 2026. En definitiva, o que se propuxo dende Galicia é unha descentralización da norma europea que permita unha xestión pesqueira eficaz e que implique unha reformulación da cooperación entre as partes interesadas e a garantía dunha participación proactiva das autoridades na toma de decisións, xunto ás institucións comunitarias, comunidade científica, representantes do sector e as ONGs.
Reprogramación do Fempa
En resposta ao intereses do sector marítimo-pesqueiro galego, Villares expuxo, en segundo termo, a importancia de reprogramar o Fondo Europeo, Martítimo de Pesca e de Acuicultura (Fempa), co obxectivo de que o sector do mar aproveite estes recursos dun xeito máis eficaz e produtivo, e de que os futuros investimentos alcancen a produtividade desexada. Porén, a proposta de Galicia contempla a reordenación dos fondos de xeito que, Portos de Galicia, como novo organismo intermedio de xestión no programa, dispoña de 7.081.706 euros para mellorar diversas infraestruturas portuarias que beneficiarían ás instalacións de Burela, Cobres, Fisterra, Moaña, Morás, Muros, Portosín, Portocubelo, San Cibrao, Sanxenxo e Tragove, ademais de outras actuacións de mantemento.
A paralización temporal de actividades pesqueiras é outra dos aspectos que contempla esta reorganización, pois o Goberno galego entende que se deben incluír a outros departamentos na súa xestión. Así, a proposta inclúe a reasignación de un millón de euros á Dirección Xeral de Desenvolvemento Pesqueiro, OIX que se encargará da xestión das posibles paradas temporais do marisqueo a pé. Isto permitiría incrementar a dotación das axudas existentes ou habilitar novas achegas nesta ou en próximos exercicios, a través deste departamento.
O Fempa está dotado con 6.108 millóns de euros, sendo España, co 21,1% (1.120 millóns de euros), o principal país perceptor. Desta cantidade, o Estado reservou 233,4 millóns e deixou os 886,6 millóns para as comunidades autónomas. Nesta distribución, Galicia percibirá máis de 4 de cada 10 euros destinados ás autonomías, ou o que é o mesmo, o 41,3% do total (366,2 millóns de euros).
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
