miércoles, 22 de abril de 2026
A economía galega medrou un 2,9% no cuarto trimestre de 2024 en relación ao mesmo período do ano anterior, como se desprende da información da contabilidade trimestral referente a este período, publicada hoxe polo Instituto Galego de Estatística (IGE). En canto á evolución intertrimestral, de setembro a decembro de 2024 o PIB autonómico aumentou un 0,8%, mentres que o ano se pechou cun crecemento do 2,8%.
Desde o punto de vista da demanda, a formación bruta de capital aumentou un 3,8% e as exportacións de bens e servizos presentan unha taxa interanual do 3,7%. As importacións suben un 1,7%, o mesmo que medra a demanda interna e o gasto en consumo final chega ao 1,4%. No que respecta á oferta, a construción medrou un 6,0%; o sector primario un 1,8% e os servizos un 3,7%, cun maior incremento no apartado de comercio, transporte e hostalería (5,8%).
Crecemento do emprego
Ademais, os datos de contabilidade trimestral do IGE mostran que o emprego medido en termos de postos de traballo equivalentes a tempo completo- medrou no cuarto trimestre un 1,0%, o que supón un incremento de 10.577 postos respecto ao mesmo trimestre do ano anterior.
Por ramas de actividade, o emprego creceu un 1,4% no sector servizos e un 1,0% na construción, mentres que na industria se rexistra un aumento do 0,9% e no sector primario unha diminución do 3,3%.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
