miércoles, 14 de octubre de 2026
Ao longo de todo o mes, poderán verse na Sala José Sellier da Coruña No compteu amb els dits e Nocturno 29 (días 4 e 6), Suite Miró e Suite Santos (día 7), Vampir-Cuadecuc (días 13 e 15), Umbracle (día 14), Informe general (día 18), El sopar (día 19), Pont de Varsovia (día 20), Mudanza e El silencio antes de Bach (días 21 e 25) e Informe general II: El nuevo rapto de Europa (día 28).
Sesión Off Galicia con Alberte Pagán
A programación de febreiro arranca mañá sábado cunha nova entrega da sección Off Galicia, que desta volta trae unha escolma de curtametraxes seleccionada e presentada polo cineasta Alberte Pagán. Con entrada de balde, a partir das 18,00 horas proxectaranse as pezas Memoria, de Nerea Barros; Man of Aral, de Helena Gouveia, e Arde Aral, do propio Pagán.
Na Filmoteca de Galicia, continúa ademais o ciclo Terence Fisher/Christopher Lee: Drácula e outros monstros, que reúne unha serie de producións dirixidas por Fisher con Lee como protagonista. Este último aparece tamén nas películas Vampir-Cuadecuc e Umbracle, de Pere Portabella, que completan a proxección de Drácula, príncipe de las tinieblas os días 13 e 14. Previamente, o luns 4 haberá un novo pase de El perro de los Baskerville, mentres que os días 5 e 6 se exhibe Las dos caras del Dr. Jeckyll. O programa finaliza con La gorgona (días 19 e 20) e La novia del diablo (días 21 e 22).
Máis visitas na Filmoteca
No marco do ciclo Close-Up: Cine e perspectiva de xénero, o martes 11 de febreiro terá lugar un encontro coa directora catalá Mar Coll para presentar o filme Salve María, mención especial no festival de Locarno e co que a pasada semana logrou o galardón á mellor película dramática nos Premios Feroz celebrados en Pontevedra. A fita terá un segundo pase o mércores 12, día no que tamén se proxectará a longa Saint Omer: el pueblo contra Laurence Coly, na que Alice Diop reflexiona sobre o tema da maternidade igual que acontece en Salve María.
Ademais, a Sala José Sellier recibirá as visitas do leonés Raúl Alaejos co seu ensaio fílmico Objeto de estudio o martes 18 e do documentalista navarro Oskar Alegria, quen o día 26 presentará Zumiriki e o día 27 participará nun coloquio coa programadora galega Andrea Franco a propósito de Zinzindurrunkarratz, finalista dos Feroz na categoría Arrebato.
Payal Kapadia
A finais de mes chegarán á cinemateca galega as dúas longametraxes da cineasta india Payal Kapadia: o documental Una noche sin saber nada (días 25 e 26) e a ficción La luz que imaginamos (días 27 e 28). Esta última, aínda en carteleira, é un dos grandes éxitos do cine independente de 2024, recoñecida co Gran Premio Especial do Xurado en Cannes e como mellor película do ano en enquisas de medios como o británico Sight & Sound ou o norteamericano Film Comment.
En febreiro volven tamén outras das seccións habituais da Filmoteca, todas elas con entrada de balde. É o caso de Materiais para una historia do cine en Galicia, dentro da que o xoves 6 Enrique Banet regresa á Sala José Sellier para exhibir os seus documentais Os romeiros do alén e A malla, rodados en 1985. Ao día seguinte a Filmoteca Vasca trae a restauración de Carboneros de Navarra (1981) e Tasio (1984), de Montxo Armendáriz, dentro da seción as Filmotecas presentan. Ademais, o sábado 8 o público máis novo ten unha cita con Filmoteca Jr. e a película Fritzi. Un cuento revolucionario, de Matthias Bruhn e Ralf Kukula.
O conselleiro de Presidencia, Xustiza e Deportes, Diego Calvo, informou esta mañá de que o Consello deu luz verde aos textos 'dos estatutos das mulleres do rural e do sector marítimo-pesqueiro de Galicia', que entran así na súa última fase de tramitación coa súa remisión ao Consello Consultivo para que emita o informe preceptivo 'e estean aprobados a finais de ano'. Este trámite, que coincide coas vésperas do Día Internacional das Mulleres Rurais -que se conmemora cada 15 de outubro- busca 'avanzar no recoñecemento das mulleres' destes eidos e 'mellorar o seu acceso a novas oportunidades e recursos'. Ambos documentos buscan ademais, tal e como explicou Calvo, visibilizar a súa contribución ao desenvolvemento territorial; garantir o seu acceso en igualdade a dereitos, oportunidades e recursos; fomentar a contratación feminina en profesións masculinizadas ou impulsar a titularidade compartida en explotacións e embarcacións.
A economía galega medrará catro décimas máis do previsto hai un ano, cando se elaboraron os orzamentos vixentes. Así se desprende do Informe sobre as previsións macroeconómicas que se incluirán nos orzamentos da Xunta de Galicia para o ano 2027, elaborado polo Instituto Galego de Estatística (IGE) e que hoxe foi avalado pola AIReF. Deste xeito, segundo constata o documento, Galicia medrará máis do previsto para este ano. Non en van, se en xullo, cando se aprobou o teito de gasto non financeiro, a Comunidade xa mellorou a previsión de crecemento que estaba nos orzamentos para este ano en dúas décimas, pasando do 1,9 % ao 2,1 %, agora volve a facelo, mellorando noutras dúas décimas (ata o 2,3 %) a previsión para o peche de 2026.
