viernes, 16 de octubre de 2026
O Camiño de Santiago tamén recibiu numerosas consultas por parte do público que preguntaba polas distintas rutas e por cuestións de loxística e organización. O xeodestino de Ferrol foi outro dos destinos con maior número de consultas xunto coa provincia de Pontevedra, cuxo interior tamén esperou moita curiosidade.
Os visitantes do expositor de Galicia en Fitur 2025 tamén se interesaron pola proposta enoturística da Comunidade, sobre todo no referido ás distintas rutas do viño, a súa tradición e cultura. Finalmente, o perfil de turista que máis consultas realizou foi de carácter senior e familiar, entre outros.
Galicia participou nesta edición con 50 presentacións de destino que tamén foron moi valoradas polo sector profesional. Desde mércores ata o pasado venres, entidades e administracións deron a coñecer distintos produtos turísticos que atenden as demandas actuais dos visitantes. A paisaxe, a gastronomía, o Camiño de Santiago, a cultura e outros atractivos foron o eixe destas presentacións.
Fitur 2025 pecha este domingo unha edición con cifras récord en canto a visitantes. Concretamente, 155.000 profesionais coñeceron de mércores a venres as principais novidades turísticas. En canto a público xeral, a organización espera pechar este domingo cunha cifra que rolda as 100.000 persoas.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
