sábado, 7 de noviembre de 2026
Tal e como se establece na instrución traslada hoxe ao grupo de traballo, a asignación obrigatoria de quendas en sábado realizarase só cando o número de voluntarios sexa insuficiente para garantir a asistencia sanitaria, xa que o déficit de médicos de atención primaria no Sistema Nacional de Saúde impide aumentar o cadro de persoal.
Ofertarase a voluntariedade a todo o persoal que teña prevista a súa incorporación ou reincorporación á prestación de servizos ao longo do ano, co fin de reducir o número dos sábados asignados obrigatoriamente ao resto do persoal para garantir a asistencia sanitaria.
Deste modo, nos centros de atención primaria que cada área sanitaria determine que prestarán asistencia á cidadanía nas mañás dos sábados, a organización do calendario para o persoal realizarase coa súa participación.
Tanto médicos de familia con destino en centros de saúde, como facultativos especialistas de atención primaria, pediatras de atención primaria e médicos de familia con destino en puntos de atención continuada poderán manifestar a súa voluntariedade para traballar os sábados pola mañá.
Para iso, as xerencias das áreas sanitarias habilitarán un prazo non inferior a 10 días naturais para que o persoal manifeste por escrito a súa voluntariedade para traballar os sábados pola mañá, indicando a súa dispoñibilidade en número de sábados.
O calendario de quendas realizarase sobre a base das propostas dos profesionais e só no caso de non haber suficiente persoal voluntario recorrerase á asignación obrigatoria na medida necesaria e sempre cun reparto equitativo.
Polo tanto, o Servizo Galego de Saúde dá prioridade á voluntariedade, sen prexuízo da debida garantía da cobertura asistencial á poboación.
Participación da representación do persoal
As xuntas de persoal e comisións de centro, ademais do propio persoal implicado, participarán na execución do procedemento de voluntariedade.
A prestación de servizos na mañá dun sábado implicará unha compensación económica, establecida en 196 euros por sete horas, máis o incremento xeral retributivo que finalmente se aplique no ano 2025.
Na mesa sectorial da sanidade pública realizarase o seguimento deste procedemento e, no último trimestre de 2025 negociarase a aplicación das instrucións para o ano 2026 coas súas posibles modificacións.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
