jueves, 13 de agosto de 2026
Ata o momento, arredor de 779.000 persoas xa recibiron a vacina da gripe. A Consellería de Sanidade aspira a aumentar a cobertura na poboación de maior risco. No caso das persoas de 65 ou máis anos, arredor do 75 % xa se vacinou, sen diferenzas salientables por sexos.
Na franxa de 70 a 79 anos, un 73 % dos homes vacinouse da gripe e un 68 % das mulleres. En maiores de 80, a porcentaxe de cobertura é do 85,6 % entre os homes e do 795 % entre as mulleres.
Tamén poderán vacinarse ata o 31 de xaneiro o resto de grupos de risco. No caso de nenos e nenas de 6 a 59 meses, Galicia xa supera o 61 % de cobertura, rebasando obxectivo marcado para esta campaña.
No caso do persoal sanitario, aproximadamente un 50 % dos profesionais aínda non se vacinaron polo que a Xunta, a través da Dirección Xeral de Saúde Pública, fai un especial chamamento á protección deste colectivo.
En canto ás embarazadas, máis do 36 % vacinouse fronte á gripe. A vacina pode administrarse ata 6 meses despois do parto mentres dure a campaña. A Xunta lembra a súa importancia xa que a vacinación materna reduce as hospitalizacións e visitas a urxencias en bebés menores de 6 meses.
Por último, no que atinxe ás persoas con inmunodepresión ou patoloxías respiratorias, este ano incluíuse ao persoal que traballe con menores de 6 anos como persoas de risco, por estar especialmente exposto aos virus respiratorios.
No que atinxe á campaña de vacinación fronte a covid-19, na actualidade, o número total de persoas vacinadas é de 549.245. Así, a porcentaxe de poboación de 65 ou más anos vacinada supera o 63%.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
