sábado, 7 de noviembre de 2026
O Plan sanitario de inverno da Xunta desta temporada recolle de forma innovadora a vixilancia epidemiolóxica a través das achegas dunha rede de farmacias sentinela. Desta forma, os datos remitidos á Dirección Xeral de Saúde Pública reflicten que as taxas de dispensación de antigripais e probas de antíxenos medraron con respecto á última semana de 2024. Isto vai en consonancia coa evolución das taxas de consultas por infeccións respiratorias agudas e de ingresos con gripe confirmada.
En canto aos ingresos hospitalarios, na semana do 30 de decembro de 2024 ao 5 de xaneiro de 2025 ingresaron 107 persoas con gripe confirmada, isto é un 55 % máis que a semana anterior. Subiu a taxa fundamentalmente no grupo de maiores de 80 anos e, por áreas, a taxa de ingresos aumentou en todas agás na de Ferrol e na de Pontevedra.
No que vai de temporada da gripe notificáronse 313 ingresos, a maioría deles con virus tipo A.
No que respecta á evolución da actividade gripal, o modelo matemático de predición deseñado pola Consellería de Sanidade suxire que, nas semanas 2 e 3, a taxa de consultas por gripe continúe a aumentar. Non obstante, a onda epidémica de gripe manteríase no nivel baixo de intensidade.
O informe de actividade das infeccións respiratorias agudas indica que a razón de casos por médico de covid-19 diminuíu na última semana e a taxa de consultas por bronquiolite aguda en menores de 2 anos tamén descendeu.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
