viernes, 7 de agosto de 2026
O presidente da Xunta, Alfonso Rueda, destacou hoxe que o restablecemento completo do viaduto do Castro mellorará as conexións de Galicia coa meseta tras máis de tres anos de obras. 'Hoxe é un día moi importante para Galicia, Castela e León e toda España porque esta infraestrutura vertebra ao noso país e une dúas comunidades irmáns', salientou.
O titular do Executivo galego participou hoxe no acto de reapertura desta infraestrutura, no que tamén estiveron presentes o ministro de Transporte e Mobilidade Sostible, Óscar Puente, e o presidente de Castela e León, Alfonso Fernández Mañueco. Rueda destacou que a posta en marcha deste treito supón unha 'boa noticia' para 'os cidadáns, os transportistas e as empresas'.
Rueda recoñeceu a complexidade dos traballos e agradeceu que o Goberno central aceptase, finalmente, as reclamacións de Galicia para que se acometese a reconstrución dos dous viadutos polo procedemento de emerxencia, toda vez que esta é unha vía vital para a conexión de Galicia que quedou relegada, durante estes anos, ao emprego dun só carril.
O presidente reflexionou tamén sobre a necesidade de empregar esta experiencia como aprendizaxe, de cara a seguir afondando nun diálogo permanente coas comunidades en materia de infraestruturas e en continuar investindo en prevención para evitar sucesos coma este. 'Temos que aprender dos erros e dos acertos. É fundamental, construír e conservar ben, é dicir, planificar as infraestruturas', indicou.
Neste sentido, salientou o compromiso da Xunta coa planificación e conservación de infraestruturas. Rueda lembrou que no 2025 se chegará a unha cifra récord de '70 millóns de euros para conservación de estradas', que a Xunta vén de 'rescatar catro autoestradas con peaxes en sombra' e que vai subir 'o mínimo' as peaxes nas autovías autonómicas, mantendo a conxelación dos anos anteriores. Deste xeito, a AG-57 e a AG-55 seguirán sendo das máis baratas de España.
Por iso, pediu ao Goberno central a mesma vontade política e, especialmente, reivindicou a necesidade de avanzar por fin no rescate e transferencia da AP-9.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
