viernes, 19 de junio de 2026
Así, a autocertificación leva aparellados os obxectivos e as actividades que se van realizar o vindeiro ano, ademais dunha planificación das actividades formativas que se van desenvolver nas áreas sanitarias e os métodos de divulgación dos informes de vixilancia de consumo de antibióticos e de resistencias.
O Servizo Galego de Saúde conta nas súas sete áreas de atención primaria con equipos de profesionais formados por farmacéuticos, pediatras, microbiólogos, médicos de urxencias, infectólogos, médicos de atención primaria, persoal de enfermería e membros das direccións de atención primaria, que están a impulsar programas de optimización do uso de antibióticos a través de actividades informativas, formativas, así como de definición, deseño e implantación de protocolos específicos de uso e consumo de antibióticos no seu ámbito territorial.
Entre os membros destes equipos e os referentes dos centros de saúde de cada área sanitaria, acadan un número de máis de 160 profesionais implicados neste operativo de mellora da optimización do uso dos antibióticos.
Todas as áreas sanitarias están a traballar, a través destes equipos, na elaboración de mapas epidemiolóxicos de resistencia a antibióticos, que teñen por obxectivo elaborar guías locais de tratamento antimicrobiano a través dun mellor coñecemento da epidemioloxía local, para facilitar a toma de decisións do persoal clínico en situacións concretas.
Ademais, tamén traballarán no seguimento das resistencias aos antibióticos en relación cos consumos locais comunitarios.
Normas de calidade
O desenvolvemento de bacterias resistentes aos antibióticos representa unha grave ameaza para a saúde pública, causando en Europa aproximadamente 33.000 mortes ao ano e xerando un gasto sanitario adicional de 1.500 millóns de euros anuais. Se esta situación non se controla, para o ano 2025 prevese que as mortes anuais por infeccións, que antes eran curables, alcancen as 40.000.
O Plan Nacional fronte á Resistencia aos Antimicrobianos, coordinado pola Axencia Española do Medicamento e Produtos Sanitarios, ten como un dos seus principais obxectivos a implantación de Programas de Optimización do Uso dos Antibióticos (PROA) tanto a nivel hospitalario como comunitario. Estes programas buscan optimizar a prescrición de antibióticos para mellorar o prognóstico dos pacientes, reducir os efectos adversos asociados ao seu uso, controlar a aparición de resistencias e garantir que os tratamentos sexan custo-eficaces.
A Axencia Española do Medicamento establece a norma para a certificación dos equipos PROA comunitarios e, así mesmo, dispón dunha ferramenta informática que recoñece as boas prácticas, asegurando que estas sexan metodoloxicamente homoxéneas o que permite comparar e identificar áreas de referencia no bo uso dos antimicrobianos. Existen unhas normas para o ámbito comunitario e outras para o ámbito hospitalario, que describen os estándares de calidade.
Dentro dos indicadores de consumo de antibióticos do Plan Nacional, ademais do descenso do consumo global, priorízase o uso de antibióticos de espectro reducido fronte a outros de maios espectro de acción.
A implantación destes programas de optimización nos centros sanitarios require o cumprimento de normas de calidade na prescrición, elaboradas no marco do Plan Nacional, que serven como guía.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
