domingo, 31 de mayo de 2026
A Consellería do Medio Rural xa executou os 45 millóns de euros do anticipo da PAC con varias semanas de antelación, adiantando os pagos ao mes de outubro, cando o habitual é cobralos en novembro. Este anticipo é de vital importancia para o sector primario galego, xa que permite inxectar un montante de diñeiro inicial que facilita que agricultores e gandeiros a posibilidade de empezar a operar sen ter que agardar a que abra o período de pagos da PAC.
Cabe sinalar que estes 45 millóns foron destinados ás liñas de vacún de leite e carne, xa que son achegas non asociadas a superficies. Isto permite que os cálculos poidan executarse de maneira completa sen asumir riscos e salvagardando a seguridade xurídica dos beneficiarios, xa que no mes de outubro aínda non están rematados os controis de monitorización que inflúen nestas achegas.
Seguindo esta liña, Galicia aboou as axudas da PAC por un importe que ascende a uns 117 millóns de euros; desagregados en máis de 99,3 millóns de achegas directas e outros case 17,73 millóns naquelas destinadas a zonas con limitacións naturais. Así, Galicia beneficiarase de máis 160 millóns de euros, tendo en conta tamén o anticipo, antes de rematar o ano e dentro do primeiro mes a partir do cal se permiten os pagos para a actual campaña. Este montante permitirá ao sector agrogandeiro encarar a súa actividade dende os primeiros días do seu ciclo agrícola, dotándoo de liquidez dende o comezo.
A Rede de detección de raios de MeteoGalicia contabilizou no que vai de ano un total de 12.825 raios, o que supón o 80% de todos os rexistrados durante o pasado 2025. O 42% dos raios rexistrados este ano -5.371- caeron a pasada fin de semana. En concreto, entre o venres 22 e o luns 25 de maio e, ademais, ese venres e o domingo 24 foron as xornadas con máis raios de todo o ano. O que aconteceu a semana pasada é que se deron as circunstancias perfectas para que se produciran esas treboadas: aire moi cálido en superficie procedente do norte de África -como quedou demostrado pola presenza de partículas de polvo sahariano en suspensión- e frío en altura nas capas medidas e altas da atmosfera.
Galicia, once comunidades autónomas -Andalucía, Cantabria, A Rioxa, Rexión de Murcia, a Comunidade Valenciana, Aragón, Canarias, Estremadura, Illas Baleares, Madrid e Castela e León- e as cidades autónomas de Ceuta e Melilla veñen de enviar unha carta á comisaria europea de Medio Ambiente, Resiliencia Hídrica e Economía Circular Competitiva, Jessika Roswall, na que defenden o rigor técnico da súa xestión do lobo e denuncian a actitude arbitraria do Goberno central nesta materia, que pretende declarar o estado de conservación desta especie como desfavorable cando os datos científicos indican que é favorable.
