domingo, 31 de mayo de 2026
Os restantes tres galardóns todos dotados con 3.000 euros cada un foron para o comerciante do sector téxtil Vicente Ábalo (Vilagarcía de Arousa e Pontevedra), que obtivo o Premio Comercio Traxectoria 2024; o Premio Comercio Emprende 2024 foi para AO Domini, firma de Ourense que aposta pola artesanía no eido do interiorismo ou do téxtil e, por último, o Premio Comercio Consumo Responsable 2024 entregouse a La Böcöque, tenda de roupa e complementos para muller situada en Cangas.
Estes premios enmárcanse na aposta da Xunta por un sector comercial forte, moderno e competitivo capaz de adaptarse ás novas tendencias e ás demandas das persoas consumidoras dada a súa importancia como xerador de riqueza e emprego, así como vertebrador do territorio. Para avanzar neste obxectivo, cómpre engadir que está previsto aprobar no primeiro trimestre do ano que vén o Plan estratéxico do comercio de Galicia 2025-2030, elaborado da man dos axentes implicados.
A Rede de detección de raios de MeteoGalicia contabilizou no que vai de ano un total de 12.825 raios, o que supón o 80% de todos os rexistrados durante o pasado 2025. O 42% dos raios rexistrados este ano -5.371- caeron a pasada fin de semana. En concreto, entre o venres 22 e o luns 25 de maio e, ademais, ese venres e o domingo 24 foron as xornadas con máis raios de todo o ano. O que aconteceu a semana pasada é que se deron as circunstancias perfectas para que se produciran esas treboadas: aire moi cálido en superficie procedente do norte de África -como quedou demostrado pola presenza de partículas de polvo sahariano en suspensión- e frío en altura nas capas medidas e altas da atmosfera.
Galicia, once comunidades autónomas -Andalucía, Cantabria, A Rioxa, Rexión de Murcia, a Comunidade Valenciana, Aragón, Canarias, Estremadura, Illas Baleares, Madrid e Castela e León- e as cidades autónomas de Ceuta e Melilla veñen de enviar unha carta á comisaria europea de Medio Ambiente, Resiliencia Hídrica e Economía Circular Competitiva, Jessika Roswall, na que defenden o rigor técnico da súa xestión do lobo e denuncian a actitude arbitraria do Goberno central nesta materia, que pretende declarar o estado de conservación desta especie como desfavorable cando os datos científicos indican que é favorable.
