miércoles, 16 de septiembre de 2026
Por mercados, o 79% do peso corresponde ao nacional, segmento no que ten un maior peso o de residentes noutras Comunidade Autónomas representando o 47,4%, fronte ao dos residentes en Galicia que absorbe o 31,3%. Por Comunidades, os viaxeiros que máis viaxaron a Galicia foron os residentes en Madrid que supoñen o 12,9%, seguidos de Castela e León, que supoñen 5,7%, e Andalucía cun peso do 5,1%.
No que atinxe ao mercado internacional, en novembro incrementouse o 22% e logrou consolidar catro anos consecutivos de crecemento da demanda nese mes. Acadou ademais un máximo da serie histórica con 120.000 noites e sobrepasando o umbral das 100.000 noites neste mes do ano. Os países de procedencia nos que máis medrou a demanda foron Portugal, cun incremento do 45,6% e Estados Unidos cun incremento do 23%.
Comportamento xaneiro-novembro
Estas cifras repercutiron no incremento dos niveis de rendibilidade hoteleira nos once primeiros meses do ano, que sobe un 7,1% cuns uns ingresos totais nominais estimados en máis de 413M de euros neste período. Estas cifras superan aos niveis previos á pandemia (2019) e marca a cifra más elevada na serie histórica.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
