viernes, 7 de agosto de 2026
Nesa liña, a conselleira expuxo que desde a inclusión do lobo na Listaxe de especies silvestres de réxime de protección especial (Lesrpe), en setembro de 2021, en Galicia os avisos por ataques incrementáronse nun 72% e o número de reses afectadas sufriu un aumento dun 57%. Ademais, os datos do censo elaborado pola Xunta estiman que a poboación desta especie se mantén estable na Comunidade con arredor de 93 mandas, polo que o Goberno galego considera que o estado do lobo non é desfavorable.
A maiores, engadiu que a Unión Europea avala a posición que defende Galicia e, de feito, o Comité Permanente do Convenio de Berna do Consello de Europa aprobou recentemente a proposta para mudar o status internacional do lobo de estritamente protexido a protexido.
A conselleira incidiu en que a fauna silvestre e o gando teñen que coexistir e o único modo de garantir esa convivencia é que, cando existan razóns debidamente acreditadas, as administracións realicen accións de control puntual sobre a especie e tamén reiterou a solicitude de que o Goberno central rectifique a súa decisión de incluír o lobo no Lesrpe porque responde unicamente a criterios culturais e razóns ideolóxicas, pero non obedece a aspectos obxectivos nin ao seu estado favorable ao norte do río Douro.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
