martes, 3 de noviembre de 2026
Este foi un dos temas centrais das xuntanzas que mantivo en Bruxelas a conselleira de Medio Ambiente e Cambio Climático, Ángeles Vázquez, con diferentes altos cargos e responsables comunitarios de direccións xerais das áreas da súa competencia no marco da súa viaxe institucional para participar en nome das 17 comunidades autónomas no Consello de Ministros de Medio Ambiente da UE.
En concreto, explicou que a Xunta pretende desenvolver este mercado a través dun decreto, actualmente en tramitación e cuxa aprobación está prevista para o primeiro trimestre do próximo ano, e coa posta en marcha das ferramentas tecnolóxicas necesarias para xestionar os créditos de carbono e aplicar as metodoloxías de cálculo que permitirán xerar os créditos correspondentes a cada proposta.
É o chamado Proxecto SICLE CO2, no que se investirán 6,8 millóns de euros ata o ano 2028, unha iniciativa que, como lembrou a conselleira, vai na mesma liña que os principais acordos adoptados no recente Cumio do Clima, a COP 29, celebrada na cidade de Bakú, en Acerbaixán.
Reunión con Cristina Lobillo
Entre os contactos que mantivo a conselleira en Bruxelas cómpre destacar a súa reunión con Cristina Lobillo, directora do Grupo de Traballo da Plataforma Enerxética da UE, dependente da Dirección Xeral de Enerxía da Comisión Europea.
Durante o encontro analizaron a situación de parálise xudicial que afecta ao sector eólico en Galicia, un bloqueo que, tal e como explicou a conselleira, pon en risco o cumprimento dos obxectivos de descarbonización por parte da Comunidade e choca co interese público superior que teñen para a UE os proxectos de enerxías renovables ao considerar que a súa contribución será clave para a consecución da neutralidade climática.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
