miércoles, 18 de marzo de 2026
Estes primeiros proxectos onde se sitúa a metade do solo previsto na Estratexia desenvolveranse en ámbitos dos concellos da Coruña, Santiago, Lugo, Ourense, Pontevedra, Vigo e Arteixo que suman 1,5 millóns de metros cadrados de superficie.
Os ámbitos foron escollidos tras os contactos mantidos pola Xunta cos concellos para identificar zonas de solo sen desenvolver para seren xestionadas polo Instituto Galego de Vivenda e Solo. Este organismo seleccionou os máis axeitados entre os propostos polos concellos e realizou os estudos de viabilidade para determinar os espazos onde actuar.
Co obxecto de "facilitar unha execución más rápida", adaptada ás necesidades e impulsada e tutelada pola Xunta, estas actuacións de desenvolvemento de solo residencial execútanse ao abeiro de Proxectos de Interese Autonómico (PIA). Cabe lembrar que, no marco das medidas extraordinarias incluídas na Lei de acompañamento aos orzamentos de 2025, o Goberno galego introduciu melloras nesta figura para axilizar estas actuacións de creación de solo residencial de promoción pública, "co fin de reducir á metade os prazos de emisión de informes autonómicos e poder simultanear as obras de urbanización e edificación dos futuros inmobles".
Aos citados solos previstos nesta licitación, súmanse os que xa están en execución. En Vigo estase a desenvolver solo para 1.600 vivendas, nos tres polígonos de ampliación de San Paio de Navia. O polígono 1 está en obras e o 2 conta xa con obra licitada.
No caso da Coruña, está en tramitación a modificación do planeamento para desenvolver solo no que se construirán 520 vivendas protexidas en Xuxán, mentres que en Ferrol hai solo dispoñible para 658 vivendas no Bertón, ademais do correspondente ás 369 vivendas agora mesmo en marcha. E, en Lugo hai solo dispoñible para 404 vivendas en Garabolos, ademais do correspondente ás 146 en execución.
Ademais, a Xunta ten nestes momentos en estudo outros ámbitos nas áreas urbanas das sete grandes cidades galegas e noutros concellos das súas contornas, nos que se concentra a maior parte da demanda de vivenda protexida, para continuar a licitación dos seus proxectos.
Estratexia Galega de Solo Residencial
A Estratexia Galega de Solo Residencial desenvolverase en dúas fases. Na actual primeira fase, que abranguerá ata 2028, abordarase a planificación, a adquisición de solo, a redacción de proxectos e os acordos con concellos, mentres que na segunda, a partir dese ano, se procederá á execución das obras de urbanización, a comercialización das parcelas e a execución das edificacións.
Esta estratexia únese ao compromiso da Xunta para duplicar ao longo desta lexislatura o parque público residencial, para pasar das actuais 4.000 ás 8.000 vivendas. Neste momento, xa ten en marcha máis de 1.600.
Con esta decisión, procúrase ampliar a internacionalización, unha maior apertura á creatividade dixital coa irrupción das novas tecnoloxías e darlle pulo a súa descentralización dentro e fóra de Galicia. O obxectivo con esta renovación é impulsar estes eidos na actividade deste centro museístico, referente da arte contemporánea en Galicia e España, tras case once anos con Santiago Olmo á fronte da súa dirección. Como resultado do seu labor, o Centro Galego de Arte Contemporánea acadou en 2025 ser recoñecido como Insignia da cultura galega polo Observatorio da Cultura da Fundación Contemporánea, segundo os resultados do prestixioso informe elaborado coas valoracións de máis de 400 expertos e profesionais de toda España.
O presidente da Xunta informou de que 'Galicia vai liderar un val especializado en tecnoloxía cuántica no que participarán nove países europeos' e que contará cun investimento de 14,3 millóns de euros. Rueda lembrou que a comunidade 'está a posicionarse como referente europeo' neste eido e asegurou que o feito de que Galicia lidere un proxecto 'nunha materia con tanto futuro é un reflexo da boa saúde da I+G+i galega'. A Comisión Europea acaba de conceder un novo proxecto de cuántica polo que a nosa Comunidade vai liderar un val de innovación, é dicir, unha iniciativa de colaboración entre rexións que destacan pola súa capacidade neste ámbito e que, grazas a este val, van conectalas para facer novos desenvolvementos e incrementar a soberanía da UE.
