jueves, 31 de julio de 2025
O incremento da demanda turística prodúcese nun contexto do aumento tamén da oferta dispoñible, cun volume de prazas ofertadas que tamén se incrementa o 2,5%.
Turismo internacional
Os datos do Instituto Nacional e Estatística (INE) destacan tamén o bo comportamento do turismo internacional que medra o 13,2% no volume de noites hoteleiras e o 13,4% en viaxeiros aloxados no pasado mes de outubro. De feito, o turismo estranxeiro supón o 34% da demanda turística en Galicia no mes de outubro.
O turismo interno, o realizado polos residentes na Comunidade galega, tamén experimenta un crecemento do 4,2% no volume de noites hoteleiras e do 2,6% na cifra de viaxeiros.
Estas cifras repercutiron no incremento dos niveis de rendibilidade hoteleira nos dez primeiros meses do ano, que sobe un 7%. Estímase que o sector hoteleiro galego obtivo uns ingresos totais nominais de máis de 390M de euros neste período.
O Instituto da Lingua Galega da USC (ILG) acaba de publicar, en colaboración coa Fundación Barrié e USC Editora, o Atlas Lingüístico Galego VIII. Léxico. O ser humano (III). Trátase do oitavo volume do Atlas Lingüístico Galego (ALGa), obra de investigación dialectolóxica amplamente recoñecida no eido dos estudos europeos 'pola rigorosidade dos seus datos e a excelencia das súas visualizacións cartográficas', explican. O novo tomo, froito do traballo dos profesores Rosario Álvarez, Francisco Dubert e Xulio Sousa, está constituído por 280 mapas que dan conta das variedades léxicas no dominio do galego para 259 conceptos vinculados á educación, a música, os xogos, as actividades de lecer, a relixión, as festas relixiosas e profanas, os seres míticos, as características psicolóxicas do ser humano e a roupa e o seu coidado.
O festival de circo, clown e creatividade escénica Festaclown regresa cunha nova edición a Vilagarcía de Arousa, onde ofrecerá, entre o 18 e o 23 de agosto, unha programación ao aire libre para celebrar o circo contemporáneo e servir de encontro entre diferentes xeracións e culturas a través de espectáculos que combinan o humor e as acrobacias co compoñente solidario. O festival arrancará o luns 18 na praza de Galicia e diferentes rúas, polas que o artista catalán Nacho Flores levará unha peza de circo contemporáneo, moi poética e visual, con música en vivo e inspirada nun imaxinario mitolóxico, na que o protagonista cabalgará facendo equilibrios entre minotauros e cabalos de Troia.
