viernes, 7 de agosto de 2026
Do mesmo xeito, Rueda agradeceu a solidariedade de todos os galegos e o seu compromiso amosado estes días, referíndose tanto a cidadáns anónimos como aos profesionais das emerxencias e do traballo neste tipo de situacións que voluntariamente se ofreceron para botar unha man e axudar nuns momentos no que a súa axuda é especialmente necesaria.
Así, o primeiro continxente, que xa está en Valencia, está integrado por case un cento de profesionais. Trátase de seis efectivos do Grupo Operativo de Actividade Subacuática da Policía Autonómica e outros sete do Grupo de Apoio Loxístico á Intervención (GALI) e da Dirección Xeral de Emerxencias e Interior, xunto con 60 da Consellería do Medio Rural, entre os que figuran bombeiros forestais, condutores, axentes ambientais e un posto de mando avanzado con técnicos, entre outros. A maiores, mobilizáronse cinco membros do Grupo de Emerxencias Supramunicipal de Mos (GES) e dous voluntarios de Protección Civil do Rosal.
En canto aos medios materiais, enviáronse 20 vehículos todoterreo, cinco furgonetas, sete motobombas, un bulldozer, un tractor, un remolque, dúas nodrizas, unha balsa pneumática e unha kayak de salvamento, entre outros vehículos. A maiores, puxéronse á disposición material de salvamento e socorrismo, equipamento de primeiros auxilios, equipos de mergullo, drons, bombas de achique, equipos de iluminación e mangueiras, entre outros.
A saída dos diferentes integrantes fíxose onte á noite desde diferentes puntos de Galicia, para xuntarse na localidade zamorana de Benavente e dirixirse así cara a Valencia.
Segundo continxente
Nesta mañá o Goberno galego coordinou un segundo envío conformado por outro cento de profesionais dos bombeiros municipais da Coruña, de Santiago de Compostela, de Lugo, de Ferrol e Vigo e do Consorcio de Bombeiros de Pontevedra, ademais dos GES de Ponteareas, da Mancomunidade Terra de Celanova e Padrón, e voluntarios de Protección Civil de Verín, Boiro, Mazaricos, Carballo Tui, Muxía, Val do Dubra, Moraña, Cuntis, Portas, Ferrol, Vilalba e Viveiro. Sumouse ademais a unidade de cans de salvamento (Casaga) e un equipo do Concello de Cambados.
O material mobilizado por este segundo continxente suma unha vintena de todoterreos e pickups, catro furgonetas, tres motobombas e sete remolques entre outros vehículos, e numeroso material de apoio como bombas de achique, equipos de excarceración, drons, material de rescate acuático e altura, xeradores e tendas de emerxencias.
Os envíos enmárcanse no labor de coordinación impulsado pola Xunta o pasado sábado, tras a petición de novos medios por parte da Comunidade Valenciana en apoio ás persoas afectadas pola DINA. Así, nesa xornada reuníanse a través dunha videoconferencia o conselleiro de Presidencia, Xustiza e Deportes, Diego Calvo, a conselleira do Medio Rural, María José Gómez, e representantes da Consellería de Medio Ambiente e Cambio Climático xunto con representantes da Delegación do Goberno en Galicia, da Federación Galega de Municipios e Provincias (Fegamp) e das catro deputacións provinciais, así como responsables de servizos provinciais e municipais de emerxencias de Galicia.
Na xuntanza acordouse que a Xunta centralice e coordine o envío de profesionais e medios de emerxencias que se envíen desde Galicia e que sexan requiridos desde o Centro de Coordinación de Emerxencias da Generalitat valenciana. Estase a efectuar a través do 112 Galicia onde as distintas administracións e organismos comunicaron os seus medios dispoñibles. Estes datos trasládanselles á Comunidade Valenciana e ao Centro Nacional de Seguimento e Coordinación de Emerxencias (CENEM).
Os medios enviados onte xa se están na zona á disposición dos responsables da emerxencia para afrontar todas aquelas tarefas para que sexan mobilizados e restablecer, entre outras accións, a comunicación como está a demandar a Comunidade Valenciana para facilitar así a chegada dos servizos de emerxencias.
Cómpre lembrar que a Xunta xa enviou a semana pasada a Valencia o helicóptero Pesca 1 de Gardacostas de Galicia para participar nos operativos de busca e rescate de persoas en zonas afectadas pola DINA, e formou parte de dous dispositivos nos que non se localizou a ninguén.
Desde a Xunta séguese a disposición da Comunidade Valenciana nos medios que demande para colaborar nas tarefas que os centros de mando da autonomía soliciten.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
