jueves, 29 de octubre de 2026
En canto á distribución da demanda global, un 69% aloxouse no segmento hoteleiro (56% en hoteis e 13% en pensións) mentres que o 31% preferiu outros aloxamentos como albergues (10,9%), cámpings (10,6%), apartamentos turísticos (5,9%) e turismo rural (3%). Cabe salientar tamén o incremento do volume de noites en hoteis do 4,3% e do 1,2% en establecementos de turismo rural.
Con estas cifras estímase que o sector hoteleiro obtivo uns ingresos totais nominais próximos aos 350 millóns de euros nos nove meses do ano, cifra que supera o dato do pasado ano nun 7,2%, así como o valor previo á pandemia.
Datos de setembro
En relación ao comportamento específico rexistrado o pasado mes de setembro no conxunto dos aloxamentos turísticos, Galicia rexistrou 909.161 viaxeiros aloxados, isto é un 2,8% máis con respecto ao ano pasado que contabilizaron un total de 1,5 millóns de noites en establecementos hoteleiros e extrahoteleiros (1,6% máis que en 2023, marcando neste indicador un fito histórico, superando nun 10,9% os rexistros previos á pandemia de 2019.
No pasado mes, case tres de cada catro visitantes aloxáronse en hoteis ou pensións, seguidos a continuación dos albergues, cámpings, apartamentos turísticos e turismo rural. Precisamente, esta última modalidade de aloxamento foi a que rexistrou un maior incremento en canto a número de noites en setembro, cunha suba do 7,7%.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
