sábado, 24 de octubre de 2026
O reitor Antonio López presidiu o acto institucional de presentación, que se desenvolve no Reitorado da USC no Colexio de San Xerome. O reitor estará acompañado polo conselleiro de Educación, Ciencia, Universidades e Formación Profesional, Román Rodríguez; a directora da Axencia Galega de Innovación, Carmen Cotelo; o reitor da UDC e secretario xeral de CRUSOE, Ricardo Cao; o presidente executivo da Secretaría Xeral Técnica de CRUSOE, Salustiano Mato, e o director científico da Cátedra Institucional de Patrimonio Cultural Dixital, Juan Castro. A delegación da multinacional xaponesa estará formada por Kenichi Kawashima, Tomoe Nakano e Ayaka Goto, que estarán acompañados polos responsables de NTT DATA no Noroeste de España (Galicia e Asturias), Alberto Borrego e Pablo Manzano.
Laboratorio TIC
O Laboratorio TIC desenvolveríase como Unidade Mixta posta en marcha pola Xunta de Galicia e planéase como un modelo de negocio para o sector turístico de colaboración público-privada e unha plataforma tecnolóxica de servizos avanzados, con acceso a tecnoloxías e capacidades dixitais de vangarda, que permitirá desenvolver proxectos emblemáticos de dixitalización en distintos ámbitos como o medio natural ou cultural, como a reconstrución do Coro Pétreo da Catedral de Santiago de Compostela.
O laboratorio podería estender o seu ámbito de actuación á macrorrexión do suroeste europeo, grazas ao acordo de colaboración alcanzado en decembro de 2023 por CRUSOE e os gobernos de Galicia, Asturias, Cantabria e Castela e León para desenvolver un programa cuxo obxectivo principal é impulsar a reactivación económica e a xeración de emprego, aproveitando os recursos do patrimonio cultural e natural do sur de Europa.
Así, impulsaría proxectos dixitais nas catro comunidades autónomas que permitan un impacto positivo no desenvolvemento económico, a diversidade cultural, a creatividade, a innovación e a resiliencia económica de todos os territorios. Así mesmo, no ámbito da formación e, a través da colaboración coa rede de universidades de CRUSOE, búscase fomentar as capacidades de capital humano con estudos de posgrao internacionais, como un Erasmus + coa UNAM de México e a Universidade de Toquio, co obxectivo, entre outros, de promover ata 100 novas spinoffs vinculadas ao Laboratorio TIC.
Cátedra
O acto institucional deste venres dálle continuidade á colaboración entre CRUSOE, a Xunta e a multinacional xaponesa, a través da Cátedra Institucional no ámbito da dixitalización, creada en marzo de 2023. A creación da Cátedra, impulsada pola Xunta, CRUSOE e NTT DATA, permitiu formalizar diversas propostas de participación en proxectos europeos, e a posta en marcha do Mestrado Interuniversitario de Patrimonio Cultural Dixital que este curso comezou a súa segunda edición na USC e a UDC.
A partir do ano 2025, preténdese establecer un acordo no que desde a Cátedra se articulen actividades docentes no ámbito universitario e de FP dual que permitan a introdución das novas técnicas en dixitalización na formación. Así mesmo, impulsarase a investigación e a innovación. A Cátedra será o marco no que se preparará a posta en marcha da unidade mixta que permitirá crear o laboratorio TIC en novas tecnoloxías da dixitalización.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
