sábado, 15 de agosto de 2026
Ademais, o aloxamento hoteleiro da Comunidade acumula catro anos consecutivos de crecemento da demanda no mes de setembro acadando un máximo da serie histórica de setembro con 1,15 millóns de pernoctacións e en canto ao número de viaxeiros, nunca antes se superara a barreira dos 600 mil viaxeiros en setembro.
Do mesmo xeito, Galicia rexistra un máximo da serie histórica de ingresos hoteleiros no mes de setembro, superando tamén os rexistros previos a pandemia.
Por riba das medias nacionais
A Comunidade galega presenta un comportamento por riba da media nacional. Así, en número de noites, Galicia supera en algo máis dun punto a media estatal, que observa un incremento do 2,8% en relación ao pasado ano. En termos de viaxeiros aloxados Galicia rexistra a segunda taxa de crecemento máis elevada co 5,9%.
Por orixe, o mercado internacional consolida catro anos consecutivos de crecemento da demanda no mes de setembro, que permiten acadar un máximo da serie histórica agora en 2024 con preto de 410.000 noites en setembro.
En termos económicos, no que vai de ano, de xaneiro a setembro, estímase que o sector hoteleiro obtivo uns ingresos totais próximos aos 350M nos primeiros nove meses deste ano, superando tamén os rexistros de 2023 nun 7,2% e os previos á pandemia. Marca, de novo, a cifra máis elevada da serie histórica.
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
