viernes, 6 de noviembre de 2026
Unha das prioridades desta Rede é o rural, e a dinamización da economía local, a fixación de poboación e a loita contra o reto demográfico.
A Rede de Polos de Emprendemento conta a día de hoxe con 14 oficinas activas: tres na provincia da Coruña (Ferrol, Coristanco e Melide), cinco na provincia de Lugo (Friol, Mondoñedo, Sarria, A Fonsagrada e Monforte de Lemos); catro na provincia de Ourense (O Carballiño, Baños de Molgas, O Barco de Valdeorras e Verín); e dous na provincia de Pontevedra (Silleda e O Porriño). No futuro próximo poñeranse en marcha un laboratorio en Vilanova de Arousa e o Centro de Orientación ao Emprendemento.
Ata o de agora, a Rede xa atendeu máis de 2.600 experiencias de emprendemento, das que un 20% están lideradas por persoas de fóra de Galicia. Os sectores que máis demandan este tipo de apoio son os de servizos, hostalaría e comercio. Por outra banda, cabe destacar as máis de 7.200 titorías e preto de 1.000 actividades realizadas (reunións con entidades do territorio, accións de formación e eventos).
Remuda xeracional e atracción de talento foráneo
Un dos plans máis destacados desta Rede de Polos é un plan específico de remuda xeracional, que cun orzamento de 1.5 millóns de euros, pretende asesorar, axilizar e facilitar a transmisión de negocios no territorio da nosa comunidade, para evitar o seu peche for falta de persoas que poidan continuar o proxecto.
A idea básica deste plan é poñer en contacto a persoas que van a pechar empresas por achegarse á súa xubilación con persoas dispostas a continuar un proxecto empresarial xa consolidado, reducindo así os riscos que pode supoñer o lanzamento dun novo proxecto.
Outro elemento destacable é a Estratexia Galicia Retorna, que pretende promover a integración sociolaboral dos emigrantes galegos e dos seus descendentes, que poidan percibir o autoemprego como unha posibilidade que facilite o seu retorno á nosa terra, e que contarán ademáis co programa de mentorías Merlo para emprendedores retornados. Deste xeito, non só se suman novos talentos e capacidades ao noso sector productivo, senón que ademais se loita contra o reto demográfico..jpg)
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
