martes, 3 de noviembre de 2026
Para Villares, a demanda plantexada está a ser desenvolvida no seo da plataforma europea para a descarbonización da pesca, no que Galicia se integrou hai un ano. Ademais, segundo sinalou, somos a comunidade líder en Europa en pesca e cultivos mariños, polo que tamén será a zona de toda a Unión que maiores recursos económicos precise para realizar este tránsito.
E é que os sectores tradicionais da economía azul galega xeran en Europa un volume de negocio de máis de 650.000 millóns de euros e uns 4,5 millóns de empregos; de aí que esta transición teña que ir da man de decisións económicas que permitan dar solucións a tres condicionantes: a definición dunha tecnoloxía axeitada, a formación para tripulacións e a substitución gradual dos motores de combustión coa conseguinte disposición de abastecemento de combustible en toda a costa.
Este cambio de modelo debe producirse, en palabras do responsable autonómico, de forma gradual, realista e asumible para o sector, respectando o medio ambiente, pero tamén garantindo a súa competitividade. Un camiño que permitirá garantir, ademais, un sistema alimentario europeo sostible.
Para elo, o Goberno galego está tamén integrando esta cuestión no marco da liña da economía azul e xa desenvolveu a súa propia Axenda Sostible; unha folla de ruta coa que impulsar aqueles avances tecnolóxicos nos sectores que viven do mar, que contribúan ao proceso de descarbonización e que propiciarán un salto económico dirixido a alcanzar a neutralidade climática e tamén á consecución de portos máis ecolóxicos.
A segunda edición
A segunda edición deste Foro dispón de tres mesas redondas, que versarán sobre as novas tecnoloxías enerxéticas e combustibles sintéticos, os sistemas de propulsión de baixas emisións e sobre as novas oportunidades laborais no mar. Deste xeito, dende hoxe ata mañá xoves, daranse cita na Escola Técnica Superior empresas líderes a nivel nacional e internacional no desenvolvemento de novas tecnoloxías enerxéticas, combustibles sintéticos e sistemas de propulsión con baixas emisións de CO2.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
