jueves, 29 de octubre de 2026
O director xeral de Cultura, Anxo M. Lorenzo, e o presidente da Fundación Araguaney-Ponte de Culturas, Ghaleb Jaber Martínez, presentaron esta mañá a Semana de Cine Euroárabe do Festival Internacional Euroárabe Amal 2024. A Xunta de Galicia apoia esta vixésimo segunda edición da cita, que amosará media decena de filmes en prol do intercambio cultural.
O representante da Consellería de Cultura, Lingua e Xuventude destacou a ampla traxectoria desta cita audiovisual xa consolidada, así como a aposta pola convivencia e o achegamento entre Oriente e Occidente. Deste xeito destacou que esta celebración aposta por achegar á cidadanía unha oferta cultural plural e descentralizada, cunha ampla selección de películas, destacou.
Neste senso, tamén fixo fincapé na gran oportunidade que supón esta cita para poder proxectar en Galicia filmes que non se atopan nos circuítos máis comerciais das salas da nosa Comunidade. O director xeral de Cultura puxo en valor o longo percorrido do Aamal no fomento dunha cultura de convivencia, respecto e tolerancia. Este festival leva máis de dúas décadas divulgando a mensaxe de paz que nestes días cobra gran importancia, puntualizou.
Do 21 ao 25 de outubro, o Teatro Principal de Santiago de Compostela acollerá a vixésimo segunda edición desta cita, baixo o lema Existir é resistir. Ao longo da semana, o público poderá gozar de filmes como The teacher, da directora nomeada aos Óscar e gañadora do BAFTA, Farah Nabulsi; Insahallah Wallad, estreada mundialmente no Festival de Cannes de 2023 e primeira longametraxe do xordano Amjad Al Rasheddd; To a land unknow, do cineasta palestino Mahdi Fleifel, multipremiado con galardóns como o Premio da Paz da Berlinae, e The Old Oak, do prestixioso director británico Ken Loach que conta con varias filmacións premiadas internacionalmente, nas que predominan os temas sociais e políticos.
No eido do cinema documental estará a proxección da cineasta e actriz franco-palestina-alxerina Lina Soualem, Bye Bye Tiberias, filme elixido para representar a Palestina nos Óscar de 2024.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
