lunes, 23 de marzo de 2026
O representante da Consellería de Cultura, Lingua e Xuventude informou na Facultade de Ciencias da Comunicación que o portal impulsado polo grupo Novos Medios dá agora un paso máis e pasa de ser un sitio informativo a convertese nunha rede social para neofalantes na que compartir experiencias. Nesta presentación, Valentín García destacou que dos datos publicados hoxe, e que recollen o resultado das entrevistas realizadas ao longo do ano 2023, despréndese que se relaciona en lingua galega un 69,25% da poboación que vive en Galicia.
Deste xeito, tal e como incidiu, o galego continúa na senda de ser a lingua cooficial máis empregada no conxunto do Estado e a maioritaria no territorio, sendo un 29,20% os que manifestan utilizar unicamente o castelán de maneira habitual. Así, o responsable de Lingua da Xunta subliñou que practicamente o 100% da poboación é quen de desenvolverse en galego na súa vida, xa que a sondaxe conclúe que a maioría da cidadanía sabe falalo, dominando a expresión oral o 94,62% das persoas, mentres que, en canto á escrita, o 84,35% da sociedade recoñece ter competencias neste eido. Por outra banda, no que respecta á comprensión, en maior ou menor medida o galego falado é entendido nun 93,37%, mentres que o 96,35% asegura poder ler neste idioma.
Novos galegos
Valentín García precisou que a enquisa estrutural a fogares que se realiza cada cinco anos engade nun dous seus epígrafes que neste período de tempo a poboación procedente do exterior que chegou a Galicia é de máis de 115.000 persoas. Trátase dun dato moi importante que inflúe directamente no incremento de castelanfalantes, converténdose nun nicho de potenciais neofalantes para os que desde a Administración autonómica xa estamos deseñando medidas como son os cursos específicos que anunciamos esta mesma semana, puntualizou o secretario xeral.
Deste xeito, concluíu que os resultados do estudo constatan que a situación sociolingüística de Galicia é dinámica e está en permanente evolución, mantendo un elevado coñecemento da lingua galega por parte dunha sociedade bilingüe que convive nos dous idiomas cooficiais nun territorio cun modelo que non xera conflitos.
Por outra banda, e no que ten que ver cos distintos ámbitos de contacto social, o representante da Consellería de Lingua explicou que das entrevistas levadas a cabo en máis de 9.000 fogares despréndese que é coas amizades con que máis se utiliza o galego, seguido da interlocución da cidadanía co persoal da administración e co sector comercial. Son estatísticas, apuntou Valentín García, que poñen de relevo a responsabilidade de todos no impulso da lingua, abranguendo tanto os distintos organismos públicos como o eido das entidades privadas e chegando ao nivel persoal, cobrando neste último aspecto especial importancia a lingua vehicular no fogar. E é que, tal e como lembrou, os datos demostran que sempre utilizan o galego o 53,01% das persoas ás que os avós lles transmitiron esta fala de cativos, fronte ao 23,35% que o fai en castelán, consolidándose a tendencia de cada vez máis fogares bilingües, un 63,89%.
Impulso da lingua no eido dixital
Se se teñen en conta as formas actuais de comunicación baseadas no eido dixital, respecto á última análise publicada en 2018 polo IGE, navegan na actualidade en galego un 1,65% máis dos usuarios, mentres que nos medios tradicionais a lingua aumenta a súa presenza na prensa escrita, pasando dun 40,9% en 2018 a un 44,62% no 2023, un incremento do 3,72%.
É precisamente nas tecnoloxías onde pon un dos seus focos principais a política lingüística da Xunta coa creación de novos produtos pensados para o público infantil e xuvenil, a continuación de iniciativas de éxito como o Proxecto Nós para impulsar o galego na Intelixencia Artificial, as medidas para a aceptación e recoñecemento deste idioma en todas as plataformas ou proxectos como o portal Neofalantes.gal iniciado en 2021 e que conta testemuños propios de persoas que apostaron polo galego e que hoxe os asistentes ao acto puideron escoitar de maneira presencial.
Coralinda é unha comedia xestual dirixida a público familiar e infantil. A través dunha linguaxe xestual fundamentada na manipulación de obxectos e na interacción constante co dispositivo escénico, a obra constrúe un universo cómico e poético que transita do realismo á hipérbole da vida cotiá. Unha proposta escénica ao estilo dos debuxos animados que aborda a temática da inmigración e do medio ambiente desde o humor, a poesía visual e a emoción. A obra convida a reflexionar sobre as experiencias das persoas que viaxan lonxe da súa terra.
Foi presentadoo o novo festival Sons de Vigo que se celebrará do 27 de marzo ao 4 de abril no Ifevi. Este evento aposta tanto por grandes nomes do panorama nacional como por artistas locais da escena galega. A presentación, celebrada no Paseo das Avenidas, xunto ao monumento a Julio Verne como un dos símbolos de Vigo, contou coa actuación de Castle e Milutxo, músicos locais que ofreceron varios dos seus temas. Sons de Galicia forma parte da programación dos Concertos do Xacobeo organizados pola Xunta de Galicia, unha iniciativa que impulsa a celebración de grandes citas musicais en Galicia. O ciclo comezará o 27 de marzo con Lingua Urbana, un dos cinco eventos musicais que acollerá o Ifevi dentro desta programación.
