sábado, 14 de marzo de 2026
A estas charlas tamén asistirá o galego Lois Patiño, que conta co premio Mestre Mateo ó mellor documental por Costa da Morte e foi recoñecido no Festival Internacional de Cinema de Berlín con filme Samsara e tomarán a palabra as portuguesas, Salomé Lamas e Susana de Sousa Dias, e os produtores recoñecidos polo seu traballo conxunto en certames como Venecia, San Sebastián, Rotterda, ou Toulusse pola obra Eles transportan a morte, Helena Girón e Samuel Delgado.
Ata o 12 de xaneiro
A mostra Novos Imaxinarios será inaugurada o venres polo conselleiro de Cultura, Lingua e Xuventude, José López Campos e poderá verse ata o 12 de xaneiro. Durante esta xornada, ás 19,00 horas, os comisarios acompañados polo director do museo, Santiago Olmo, presentarán a exposición.
As salas do museo da capital galega acollerán unha reflexión sobre o cinema máis alá da pantalla, onde conflúen as prácticas cinematográficas e os espazos artísticos a partir da selección da obra de recoñecidos artistas do cinema contemporáneo. A carón desta exposición tamén haberá unha serie de actividades paralelas como proxeccións, xornadas de investigación, conferencias ou mesas redondas.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
