jueves, 1 de mayo de 2025
Así o indicou hoxe o conselleiro de Emprego, Comercio e Emigración, José González, na valoración realizada en relación cos datos de paro rexistrado e de afiliacións, na que subliñou que setembro é un mes no que adoita subir o paro debido á finalización de moitos contratos temporais, como acontece tamén ese ano na evolución mensual, cunha lixeira suba do 1,95%.
O titular de Emprego insistiu en valorar as cifras desde o punto de vista da súa evolución. En termos anuais, o desemprego en Galicia baixa nun 7,39%, e, segundo sinalou, en relación co conxunto de España e con setembro de 2023, diminúe a un ritmo maior, superando a baixada do Estado en 1,98 puntos. A isto engadiu que Galicia é a terceira comunidade que acada unha maior redución de paro rexistrado no último ano en termos relativos.
Nesta evolución anual, tamén cae o paro nas catro provincias galegas, nas sete grandes cidades, en todos os sectores de actividade e tamén en colectivos prioritarios nas políticas activas de emprego da Xunta como as mulleres, os menores de 30 anos e os parados de longa duración.
Tamén na comparativa anual, por sectores, liderou a baixada o primario (-12,63%) seguido da construción (-11,85%). En canto aos colectivos prioritarios, diminuíu o paro nas mulleres (-7,45%), entre os menores de 30 anos (-7,12%) e nos parados de longa duración (-7%). Ademais, as cifras de mulleres desempregadas, con 71.538, e de desempregados xuvenís, con 13.792, son as máis baixas nun mes de setembro desde que hai rexistros (2005). A de parados de longa duración, de 61.647, é a cifra máis baixa dun mes de setembro dos últimos 16 anos.
José González tamén salientou a subida no número de contratacións respecto do mes pasado, cun incremento de máis do 14%. Neste senso, puxo en valor o aumento dos contratos indefinidos en máis dun 40%.
Máis e mellor emprego de calidade
O conselleiro subliñou que a Xunta de Galicia, da man do tecido produtivo, continúa a impulsar medidas estratéxicas que seguir xerando máis e mellor emprego de calidade, á vez que se da resposta a grandes retos do mercado laboral, como o da cobertura das vacantes existentes.
Neste senso, aludiu á ferramenta de intelixencia artificial EMi, implantada nas 54 oficinas de emprego de Galicia co obxectivo de casar de xeito máis efectivo a oferta e a demanda laboral. E lembrou que están abertas ata o 24 de outubro dúas ordes de axudas para que os concellos e as entidades sen ánimo de lucro contraten axentes de emprego. O orzamento total destinado a ambas é de 3,4 millóns de euros para apoiar a contratación ou prórroga da contratación da Rede de Técnicos de Emprego de Galicia.
Tamén fixo fincapé na aposta pola flexibilización da formación para o emprego e o impulso das microformacións como unha ferramenta clave para gañar axilidade e inmediatez na capacitación das persoas desempregadas e na reciclaxe das ocupadas co fin de que encaixen nos perfís que requiren as empresas.
No ámbito do emprendemento, o Goberno galego segue despregando a Rede de polos que conta con 14 oficinas, coa previsión de ampliarse ata 15 proximamente. As medidas que desenvolve a Xunta neste ámbito levaron a que Europa recoñecese a Galicia como Rexión Emprendedora Europea 2025.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
