miércoles, 18 de marzo de 2026
A conselleira de Economía e Industria, María Jesús Lorenzana, adiantou hoxe que RDG Comercializadora Galega de Enerxía venderá o 100% da enerxía a consumidores galegos, tanto particulares como empresas e industrias,-sempre a un prezo máis barato que o prezo de mercado, dixo- que se poderán beneficiar dun desconto medio do 50% sobre o prezo do mercado no caso da veciñanza que vive próxima a infraestruturas de xeración renovable.
Nunha visita ás instalacións da sociedade Recursos de Galicia, en Santiago, Lorenzana adiantou que, no caso dos particulares, os primeiros beneficiarios destas condicións estarán nun radio próximo a onde estea instalado, por exemplo, un parque eólico, ou mesmo en concellos limítrofes. No que respecta ás empresas e industrias, explicou que o obxectivo é democratizar o acceso a un prezo eléctrico máis competitivo, para o cal a comercializadora ofrecerá contratos de compravenda de enerxía a longo prazo (PPA) a todo tipo de empresas. Queremos que poidan acceder a prezos máis baratos a través destas figuras de PPA coa comercializadora de RDG desde os autónomos, ás pemes ou as micropemes, e non só as grandes industrias, apuntou.
Neste sentido, subliñou que canto antes se desbloquee o despregamento das renovables en Galicia, incluída a eólica mariña -que vai supoñer un salto cualitativo en xeración renovable-, máis se poderá ampliar o conxunto de beneficiarios que poidan acceder ás vantaxes desta nova comercializadora.
RDG, que en catro meses podería ter listos os trámites para a constitución da súa comercializadora, xa está a negociar con operadores do sector a incorporación á compañía de volumes de enerxía que permitan iniciar operacións en 2025. Ao respecto, indicou que se está traballando en fórmulas de adxudicación, que primarán, entre outras cousas, factores como o emprego por kWh ou o Valor Agregado Bruto (VAB) por kWh.
Única en España
A conselleira sinalou que o que diferencia a comercializadora galega doutras que xa están en funcionamento en España, é a participación público-privada e o feito de que cubra toda a cadea, desde a produción ata a comercialización, e un conxunto de colectivos beneficiarios tan amplo, ao ser tanto particulares como pequenos autónomos, microempresas, pemes e grandes empresas. Esta comercializadora é a primeira e a única en todo o Estado español, subliñou.
RDG Comercializadora Galega de Enerxía é 100 por cento titularidade de RDG, a sociedade na que participa a Xunta de Galicia xunto cun 70% de capital privado, lembrou Lorenzana, que aludiu a RDG como un instrumento que será moi útil para a aplicación da Lei de promoción dos beneficios sociais e económicos dos proxectos que utilizan os recursos naturais de Galicia, que se aproba este mes (Lei de Recusos Naturais).
Trátase dunha normativa, abondou, que, ao igual que vai facer a nova planificación eólica, regula a obrigatoriedade dos promotores de proxectos vinculados cos recursos naturais de Galicia a repercutir no territorio unha parte dos seus beneficios. E, nese sentido, desde o momento en que RDG pon en marcha esta comercializadora, calquera empresa asociada vai poder xustificar o cumprimento do establecido na lei.
Esta comercializadora galega de enerxía é un dos tres instrumentos chave para a política enerxética do Goberno galego ao longo desta lexislatura: a propia Lei de Recursos Naturais; a planificación dos recursos naturais e nomeadamente a planificación eólica; e esta comercializadora, explicou.
Neste marco, a titular de Economía e Industria sinalou que a nosa política enerxética parte de dúas premisas, avanzar na autonomía enerxética, e que nese avance consigamos abaratar a enerxía dos fogares galegos e das industrias e das empresas de Galicia, destacou. En definitiva, estamos empregando unha política enerxética social, esta é a base que está na Lei de Recursos Naturais de Galicia, transformar o aproveitamento dos recursos naturais nunha riqueza social, dixo.
Con esta decisión, procúrase ampliar a internacionalización, unha maior apertura á creatividade dixital coa irrupción das novas tecnoloxías e darlle pulo a súa descentralización dentro e fóra de Galicia. O obxectivo con esta renovación é impulsar estes eidos na actividade deste centro museístico, referente da arte contemporánea en Galicia e España, tras case once anos con Santiago Olmo á fronte da súa dirección. Como resultado do seu labor, o Centro Galego de Arte Contemporánea acadou en 2025 ser recoñecido como Insignia da cultura galega polo Observatorio da Cultura da Fundación Contemporánea, segundo os resultados do prestixioso informe elaborado coas valoracións de máis de 400 expertos e profesionais de toda España.
O presidente da Xunta informou de que 'Galicia vai liderar un val especializado en tecnoloxía cuántica no que participarán nove países europeos' e que contará cun investimento de 14,3 millóns de euros. Rueda lembrou que a comunidade 'está a posicionarse como referente europeo' neste eido e asegurou que o feito de que Galicia lidere un proxecto 'nunha materia con tanto futuro é un reflexo da boa saúde da I+G+i galega'. A Comisión Europea acaba de conceder un novo proxecto de cuántica polo que a nosa Comunidade vai liderar un val de innovación, é dicir, unha iniciativa de colaboración entre rexións que destacan pola súa capacidade neste ámbito e que, grazas a este val, van conectalas para facer novos desenvolvementos e incrementar a soberanía da UE.
