sábado, 8 de agosto de 2026
Incidindo na necesidade de aumentar a competitividade do comercio retallista apoiándose nas novas tecnoloxías, nun comercio especializado, de calidade, fortalecido e moderno, que promova o consumo responsable cunha actividade sostible, González avogou tamén por acometer un plan de remuda xeracional para asegurar a continuidade dos comercios rendibles, apoiando tanto ao que cesa na actividade como ao que a vai continuar.
Destacando que Galicia conta con máis de 24.000 comercios polo miúdo e que o sector suma 107.000 postos de traballo en toda a Comunidade ademais de preto dun cento de mercados e prazas de abastos, afondou na importancia de continuar mantendo encontros cos comerciantes para que contribúan en primeira persoa á diagnose e estratexia máis acertadas para darlle un pulo ao sector. Tamén avanzou que se habilitará un correo electrónico para que os axentes implicados canalicen as súas necesidades e inquedanzas.
Entre todos, dixo o conselleiro, hai que decidir que precisa o sector para ser máis competitivo e reforzar o comercio local nas vilas e cidades. Cómpre ofrecer experiencias atractivas, que conviden á compra non só pola calidade dos produtos, senón tamén polo servizo de proximidade -comprometido co territorio- que se proporciona.
Medidas propostas
O titular de Emprego apostou por seguir impulsando a mellora das prazas de abastos e a súa certificación co selo de Mercados Excelentes, na liña da convocatoria por preto de 1,3 millóns de euros que está a piques de resolverse para fomentar -precisamente- unha rede de mercados galegos con este selo de excelencia. Unha orde que, aseverou, espertou tanto interese que se duplicou o número de concellos solicitantes.
En paralelo, segundo explicou, estase a traballar nun selo de Menú de Mercado que permita facer campañas cruzadas entre as prazas de abastos e os restaurantes, xa que estes establecementos son os mellores clientes dos mercados, conscientes de que a calidade dos seus produtos é o mellor que lles poden ofrecer aos seus clientes.
Sobre os centros comerciais abertos, proponse simplificar as liñas de axuda e dar coas mellores actividades de fidelización para que sirvan de dinamizadores de cada contorna e de vertebradores de cada territorio, especialmente no caso das vilas máis pequenas. Nesa liña, apóstase en xeral pola revitalización a través da dinamización do comercio local, non só consolidando como atractivo turístico e rendible o tecido comercial das cidades, senón especialmente os establecementos do rural como máximos referentes dun servizo de proximidade e de calidade que -ademais- contribúe a xerar riqueza e a fixar poboación.
Sen esquecer a potenciación da Fundación Artesanía de Galicia, e con ela, do bo facer dos nosos artesáns e artesás, apelou en todo caso a ir da man dos implicados, para acadar unha planificación en materia de transformación dixital, innovación e modernización que permita -ademais- desenvolver un Mapa do Comercio de Galicia efectivo. Facendo fincapé no Plan de remuda xeracional, con proxectos piloto nas cabeceiras de comarca que atendan ás necesidades de cada contorna e impulsando o emprendemento por parte dos galegos retornados, convidou ademais aos distintos axentes a colaborar e sumar sinerxías, co obxectivo de ter listo o Plan estratéxico do comercio de Galicia no ano 2025.
Cómpre engadir que, tras a intervención do conselleiro e do director xeral de Comercio e Consumo, no acto de hoxe tiveron lugar dous relatorios sobre novas normativas europeas de interese. En concreto, sobre a perspectiva da nova xestión da fiscalidade no comercio polo miúdo e sobre a sustentabilidade ambiental no comercio.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
