miércoles, 10 de junio de 2026
Deste xeito, ambas partes continuarán impulsando este proxecto que facilita a mobilidade dos traballadores entre as zonas fronteirizas de Galicia e o norte de Portugal e responde ás necesidades de información nesta materia, tanto a persoas traballadoras como a empresarias. Trátase dunha iniciativa que forma parte da aposta conxunta de asegurar a circulación de información sobre as ofertas e demandas de emprego entre as rexións fronteirizas, así como as condicións de vida e traballo nestas rexións.
Está cofinanciada pola Unión Europea, a través do programa FSE+ de Galicia 2021-2027 e contribúe a coñecer as tendencias do mercado laboral de Galicia e o norte de Portugal e, polo tanto, a identificar as necesidades e oportunidades de emprego nestas rexións para facilitar o acceso ao mesmo aos demandantes de traballo. Ao mesmo tempo, é de grande utilidade para as administracións de cara ao deseño de accións adaptadas ás necesidades das empresas e traballadores en materia de emprego, formación e mobilidade.
Actividades do Eures
Con ese fin, o servizo Eures realiza distintas actividades de xestión que son obxecto deste convenio, entre elas, a elaboración do seu plan de actividades e o orzamento anual, axudar aos socios na planificación de accións, estimular a cooperación e a realización de accións conxuntas, así como promocionar e representar á estrutura nas accións desenvolvidas polos socios e por outros organismos e institucións.
Tamén se encarga de promover e organizar as reunións dos grupos de traballo específicos, impulsados polos servizos públicos de emprego de Galicia e Portugal, de impulsar as sinerxías con outros programas comunitarios, organismos e institucións e da atención a demandantes de emprego e empregadores, dando información sobre dereitos e obrigas no ámbito laboral transfronteirizo.
Dentro desta colaboración, a Agrupación Europea de Cooperación Territorial Galicia-Norte de Portugal asumirá a realización de actividades de coordinación do Eures Transfronteirizo Galicia-Norte de Portugal e a Consellería de Emprego, Comercio e Emigración aboaralle os gastos producidos.
Para iso o convenio estará en vigor desde a súa sinatura ata o 30 de xuño de 2026, podendo prorrogarse se así o deciden as partes, e contará cun importe total de preto de 188.200 euros no marco do proxecto Eures 24-25 e a distribuír nas anualidades 2024, 2025 e 2026.
A rede Eures e o Eures Transfronteirizo Galicia-Norte de Portugal
En toda Europa existen sete estruturas Eures -EURopean Employment Services- que forman unha rede de cooperación entre a Comisión Europea e os servicios públicos de emprego dos estados membro coa función de facilitar información sobre oportunidades de emprego e condicións de vida e traballo no Espazo Económico Europeo.
Unha das estruturas transfronteirizas Eures é a de Galicia-Norte de Portugal, que foi creada en decembro de 1997 mediante a sinatura dun convenio marco de colaboración entre distintos socios, entre os que se atopan, o Instituto de Emprego e Formación Profesional (Lisboa-Portugal) e a Xunta de Galicia.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
