lunes, 26 de octubre de 2026
Así o avanzou a directora xeral de Enerxías Renovables e Cambio Climático, Paula Uría, durante o acto de sinatura da adhesión do Ilustre Colexio Oficial de Enxeñeiros Industriais de Galicia (ICOIIG) á Alianza.
Segundo explicou, o primeiro dos eventos previstos terá lugar o vindeiro 18 de setembro no Palacio de Exposicións e Congresos da cidade da Coruña, onde se desenvolverá un workshop con catro mesas redondas nas que diferentes empresas amosarán a súa experiencia en cuestións como a economía baixa en carbono, o capital natural, o marketing verde ou as iniciativas empresariais de economía circular.
Nesa liña, Paula Uría salientou que Galicia leva anos traballando para mellorar a súa capacidade de resiliencia ante o cambio climático. De feito, desde a aprobación da Estratexia galega de cambio climático e enerxía 2050 (EGCCE 2050) no ano 2019, as emisións netas de gases de efecto invernadoiro baixaron na Comunidade un 19,5%, é dicir, a un ritmo tres veces superior que a media española (6%) e que a europea (6,1%).
Así, logo do desenvolvemento de 139 das medidas previstas e do investimento de 1.140 millóns de euros, o Consello da Xunta aprobou o pasado mes de xuño a elaboración do novo plan rexional integrado de clima e enerxía 2024-2030 para continuar coa aplicación da EGCCE e consolidar a posición da Comunidade como referente na loita contra o quecemento global. A día de hoxe estase traballando nesta segunda planificación, coa previsión de poder aprobala no último trimestre do ano.
Fitos acadados
Precisamente no marco das súas políticas fronte ao cambio climático, o Executivo galego promoveu no ano 2022 a Alianza galega polo clima, unha acción pioneira co obxectivo de conectar ao tecido produtivo e social galego de cara a traballar contra o quecemento global, facer máis resiliente á Comunidade e establecer pautas de actuación para alcanzar a neutralidade climática.
A iniciativa conta xa con 154 entidades adheridas entre universidades, organismos, autoridades portuarias, entidades asociativas ou empresas, ás que se suma hoxe o Ilustre Colexio Oficial de Enxeñeiros Industriais de Galicia, unha corporación de dereito público para defender os lexítimos intereses dos seus colexiados, ordenar e valorar a súa actividade na sociedade e que, ademais, ofrece servizos de alto valor engadido e ten entre os seus intereses fundacionais promover o desenvolvemento industrial sostible e a compatibilidade das industrias coa conservación do medio.
Logo de asinar o memorando de adhesión, Paula Uría puxo en valor o compromiso ambiental desta entidade e a súa disposición a formar parte dunha iniciativa que pretende impulsar entre os seus socios o establecemento de accións de adaptación ou mitigación do cambio climático, o intercambio de información científica, tecnolóxica, socioeconómica e xurídica neste eido, a promoción da investigación ligada ao clima e a difusión de tecnoloxías para a transición cara a sistemas de enerxía de baixas emisións.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
