sábado, 24 de octubre de 2026
O conselleiro de Emprego, Comercio e Emigración, José González, participou hoxe en Meaño no acto de presentación da aceleradora de proxectos Xerme Ecommerce, en virtude da colaboración co Clúster do Ecommerce Galego. Segundo destacou, trátase do primeiro programa de formación para o emprendemento no ecommerce desenvolvido ao abeiro da Rede de polos de emprendemento e apoio ao emprego, no que se botará man de profesionais en activo do mundo do comercio electrónico para que un total de 23 iniciativas -a maioría vencelladas á Rede- aprendan a lanzar, xestionar e rendibilizar os seus negocios en liña.
En palabras do conselleiro, que estivo acompañado polo secretario xeral de Emprego, Pablo Fernández, as novas tecnoloxías marcan novos retos cada día, especialmente para as pequenas e medianas empresas que representan a meirande parte da economía galega, pero tamén inmensas posibilidades de crecemento. Nese contexto, enmárcase esta iniciativa dirixida tanto a novos proxectos no eido do comercio electrónico como a negocios existentes que aposten por acceder ás oportunidades de expansión que ofrece a comercialización dixital.
Apostando pola innovación sen renunciar á identidade, segundo apuntou José González, a través de Xerme Ecommerce avógase pola formación e pola mentorización, con obradoiros, titorización personalizada e sesións docentes para que os emprendedores busquen oportunidades en todos os mercados, apoiados en expertos profesionais na materia.
O Clúster
Nese senso, o titular de Emprego recoñeceu o labor do Clúster do Ecommerce Galego, pola súa aposta polo desenvolvemento do talento e da competitividade das empresas galegas mediante o apoio, incentivo e promoción do comercio electrónico. Tivo unha mención tanto para as empresas fundadoras como para as adheridas, entre as que se atopa a adega Paco&Loca que acolleu o acto de hoxe.
Tal e como resaltou, a través do Clúster promóvese que convivan empresas nativas dixitais con empresas físicas que teñen unha importante actividade online, facilitando a aprendizaxe mutua.
Engadiu que Iniciativas como a que hoxe bota a andar din moito do bo facer da entidade e, tamén, sobre o afán das galegas e galegos emprendedores por buscar novas opcións de negocio que redunden no beneficio de Galicia.
Rexión Emprendedora Europea
O conselleiro concluíu que colaboracións como esta axúdannos a confirmarnos como Rexión Emprendedora Europea 2025, recoñecemento que vimos de recibir e que valora a estratexia da Xunta a prol de crear actividade económica que xere riqueza e emprego e axude a fixar poboación.
Unha estratexia que tamén se desenvolve con convenios como o aprobado esta mesma semana en Consello, co Clúster da Comunicación de Galicia, para poñer en marcha -por primeira vez tamén- un programa de asesoramento de balde a proxectos emprendedores en materia de márketing e comunicación, para impulsar negocios competitivos neste mesmo marco da Rede de polos.
Unha soa estratexia pero múltiples accións que se seguirán impulsando desde o Goberno galego ao tempo que se poñen a disposición de quen os precise os Polos de emprendemento: 14 xa activos, tras a apertura do de Sarria, que teñen atendido máis de 2.100 proxectos en apenas dous anos.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
