domingo, 8 de noviembre de 2026
Voceiros nas respectivas corporacions acudiron o da Deputación Provincial; os dos concellos de Antas de Ulla, Becerreá, Castroverde, Lugo, Trabada, Sarria, Xermade, e Voceira de Viveiro.
En Aspnais foron atendidos polo Presidente, José Reigosa, co equipo técnico da entidade, que foron explicando o funcionamento dos diversos servizos, deténdose especialmente nos talleres de carpintería onde contemplaron a confección de platos de polbo, e no de cerámica, onde se confeccionan todo tipo de obxectos artísticos en diversos materiais, especialmente útiles para celebracións familiares ou agasallos institucionais.
Os visitantes quedaron gratamente sorprendidos, tanto polas instalacións que a entidade posúe, como polo traballo que se realiza nos talleres, que garante a integración destes usuarios no mundo laboral e o conseguinte empoderamento de todos os que forman parte deste proxecto tan especial. A Presidenta do Partido Popular na provincia e todos os participantes, agradeceron a Aspnais que lles abrise as portas das súas instalacións para obter directa información da realidade deste colectivo, e mesmo pola posibilidade de que os visitantes contactasen cos usuarios procedentes dos seus concellos.
Nas fotografías, os visitantes na entrada no edificio de Aspnais, e no taller de carpintería.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
