domingo, 25 de octubre de 2026
O director da consultora Noa Innova, promotora desta campaña, rematou sinalando que volverá insistir diante do Miteco para conseguir financiación e non defraudar as expectativas que xa se crearon entre a cidadanía.
No balance do proxecto resaltouse:
1.- A gran colaboración de ponentes representantes das administracións públicas.
2.- A participación cidadá, non tan intensa que os esforzos realizados merecían, observándose un "cansazo" cidadán, quizais polos plans, proxectos, mensaxes, ou promesas incumpridas en anteriores planes polas Administracións.
3.- En termos empresariais, a participación e interese polo desenvolvemento de O Courel pode considerase boa, aínda que focalizada en poucas persoas, líderes na comarca, e no sector de actividade no que actúan o viño, o turismo... e en base a estes poderánse executar futuros proxectos de desenvolvemento empresarial.
4.- A unidade de actuación entre os tres Concellos debería ser o obxectivo principal destas administracións tan preto do cidadán, que ademais ao estar todas baixo a figura do xeoparque Montañas de O Courel, serve como elemento vertebrador que poña o foco sobre o conxunto da comarca.
5.- Critícase por cidadáns e empresas a deixadez das administracións en canto a infraestruturas e servizos, tanto a Deputación como a Xunta de Galicia, responsables das vías de comunicación e en canto a servizos a carencia ou escaseza de servizos sanitarios.
6.- En canto a ordención territorial e rehabilitación do patrimonio, sinálase a dificultade de reformas e rehabilitacións ao estar a maior parte do territorio cuns niveles moi altos de protección; a importante carga burocrática que ralentiza a obtención de lixenzas e a falta dun parque de vivendas adecuado e accesible para a fixación de poboación, a pesar de que o inventario de patrimonio civil realizado polo equipo de arquitectura do proxecto estudiou en Folgoso do Courel 34 núcleos de poboación con 107 edificacións; 22 núcleos con 61 edificacións de Ribas de Sil e 33 núcleos con 80 edificacións rehabilitables en Quiroga.
7.- Falta de man de obra e cualificación, tanto en profesionais como en empresas capacitadas na zona.
Polo indicado, estímase que o desenvolvemento de O Courel pasa pola actuación conxunta desde os tres concellos, que podería formalizase en accións como:
A.- Afrontar un plan unificado de comunicación no que os tres Concellos estéan presentes, e sen perder a súa identidade destaquen as fortalezas que o conxunto pode ofrecer para establecer novas empresas e crear emprego.
B.- Que os tres Concellos establezan unha colaboración para atraer nova poboación baseada en políticas de vivenda e incentivos económicos e facilidades burocráticas, establecendo unha bolsa de activos inmobiliarios con identificación de propietarios e costes de alugueres.
C.- Fomentar a creación dunha escola taller de oficios relacionados coa construción e rehabilitación, pasar dos actuais obradoiros de emprego a fomentar o autoemprego e estudar a posibilidade de crear no actual instituto de Quiroga un ciclo de FP de hostelería, turismo e viticultura.
D.- Aceptar unha imaxe de marca para os productos de O Courel e das feiras que se celebran anualmente nos tres Concellos, sen perder a identidade de cada un, de forma que todo se identifique con O Courel.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
