viernes, 2 de mayo de 2025
O secretario xeral da Lingua, Valentín García, asistiu hoxe no Museo Pedagóxico de Galicia (MUPEGA) á gala de entrega dos XX premios literarios Frei Martín Sarmiento deste curso así como os correspondentes ao certame audiovisual REC.curta, organizados por Escolas Católicas coa colaboración da Secretaría Xeral da Lingua.
A regueifeira Lupe Blanco conduciu a gala, que foi inaugurada Valentín García, acompañado por María Teresa Iglesias, presidenta de Escolas Católicas. O salón de acolleu as máis dun cento de persoas entre o alumnado, os autoras e autores recoñecidos como obras gañadoras desta vixésima edicións dos Sarmiento e os seus editores.
Na súa intervención na entrega de premios, Valentín García puxo en valor estes premios por estimular a creatividade en lingua galega en diversas xeracións e a través de diversos medios. Ademais, considerou que son mostra da versatilidade e das posibilidades que lles ofrece aos máis novos a lingua propia de Galicia.
Premios Sarmiento
Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías.
Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora.
Na segunda categoría establecida para alumnado de 3º e 4º de primaria, distinguiuse A pulga espacial de Xabier Domínguez e Alba de Evan, publicada por Edicións do Cumio. E na categoría de 5º e 6º, premiouse a Sálice e Sándalo, de Antela editorial.
Nos premios para o 1º e 2º de ESO está Cituta para dous, de Xerais e na de 3º e 4ª de ESO distinguiuse o labor de tradución de Un feiticeiro de terramar traducido por Tomás G. Ahola e editado por Boadicea editora.
Na categoría de Bacharelato e adultos, premiouse A saga das curandeiras, de Marisa Castro, publicado por Hércules de ediciones.
Certame REC.curta
Un total de 16 curtas foron as candidatas aos recoñecementos do audiovisual. Un ano máis, o alumnado reflectiu nos seus traballos os temas que máis lles preocupan como o acoso, a soidade, a vinganza, a presenza das artes na actualidade, o tempus fugit, o automatismo dominante na vida dos humanos, o amor, a memoria histórica, a necesidade de preservar as nosas tradicións e sobre o patrimonio oral, como as lendas ou a necesidade de afrontar os problemas xuntos.
Todos eles convidan o espectador a reflexionar sobre algún aspecto da nosa realidade desde a ollada de alumnos e alumnas que teñen entre 12 e 17 anos de idade.
As mellores curtas no Festival de Cans
As curtametraxes recoñecidas como Mellores curtas e as que destacan polo Mellor uso da lingua irán ao Festival de Cans onde asistirán a distintas actividades e onde, ademais, poderán ver proxectados os seus filmes.
Na primeira categoría, de alumnado de 6º de Primaria, 1º, 2º e 3º de ESO gañou Compaña. Esta curtametraxe reivindica as nosas tradicións e xira ao redor da Santa Compaña. Foi elaborada por alumnado do Colexio Franciscanos de Lugo.
Na segunda categoría, na que participa alumnado de 4º de ESO, Bacharelato e FP, distinguiuse a Que é o que pasa cando te achegas. Curtametraxe que correu a cargo de alumnado de FP básica do colexio Divino Maestro de Lugo. Nela reflíctese a importancia de valores, como a solidariedade, a empatía e a amizade.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
