martes, 7 de abril de 2026
A xornada, que se levou a cabo nunha das aulas Facultade de Ciencias Económicas e Empresariais, arrancou coa intervención da profesora Vanessa Jiménez, quen puxo sobre a mesa dúas ideas clave: dunha banda, a necesidade dunha maior educación financeira sobre todos os temas relacionados cos criptoactivos e os mundos virtuais e, da outra, que a fenda de xénero que semella existir nestas cuestións cada vez dilúese máis e, se todo segue así, seguirá a esvaecerse cada vez máis, debido, sobre todo, á entrada de persoas que teñan coñecementos económicos, tecnolóxicos e xurídicos neste tipo de materias.
Unha cousa é o que se ve nas redes e outra a realidade, e iso é o que me gustaría amosar hoxe aquí, subliñoulle a experta ás persoas asistentes, facéndolles fincapé en que máis alá do mito dos cripto-bros que se pretende vender hai unha importante presenza feminina en todo este mundo moito máis importante do que puidese parecer.
Moitas expectativas na nova lei de paridade do Goberno
Pola súa banda, Josefina Boquera, catedrática de Dereito Mercantil da Universidad de Valencia, centrou a súa intervención na representación das mulleres nos órganos de administración e alta dirección das sociedades de capital, tanto desde o punto de vista da situación actual como nas perspectivas que se agardan para os vindeiros anos.
Nestes intres estamos pendentes dun proxecto de lei sobre representación paritaria que xa entrou no Congreso, explicou a experta, quen se amosou moi positiva coa evolución que se está a acadar neste sentido. Nos últimos catro anos aumentou moito o número de mulleres nos consellos de administración atopándonos na actualidade con cifras que van do 36 ao 40% e o ideal sería chegar á paridade, é dicir, ao 50%, algo para o que, desde o seu punto de vista, axudará bastante a nova lei. Se a lexislación actual aposta polo fomento da igualdade, a nova lei tratará de impoñela, e incluso haberá medidas que establecerán que, en caso de igual capacidade, elixiríase a persoa candidata do xénero menos representado nestes órganos.
Esta xornada enmárcase no ciclo de actividades Igualdade de xénero e Dereito Mercantil creado hai máis de cinco anos polos catedráticos da Universidade de Vigo Anxo Tato, Julio Costas -que asistiu á xornada- e Pablo Fernández Carballo-Calero e está co-financiada pola Unidade de Igualdade e o Departamento de Dereito Privado da UVigo.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o Día do Circo o vindeiro 19 de abril co espectáculo 'Sen patrón', da compañía galega Pistacatro, recoñecida co Premio Nacional 2025 desta disciplina artística. A proposta terá lugar no Xardín do Teatro, ás 17,00 horas, con entrada libre e de balde. Así, o Día do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañías e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
