lunes, 2 de noviembre de 2026
O secretario xeral de Política Lingüística, Valentín García, participou hoxe na apertura oficial do XIV Congreso Internacional da Asociación Internacional de Estudos Galegos (AIEG), que arranca hoxe na cidade portuguesa de Braga co apoio da Consellería de Cultura, Lingua e Xuventude. O obxectivo deste encontro, que se desenvolverá na Universidade do Minho ata o sábado 20, é crear un espazo para a reflexión sobre a relación entre Galicia e os estudos galegos e a denominada lusofonía, que abrangue o conxunto de países que teñen como lingua oficial o portugués.
Durante o acto, o representante autonómico salientou o importante papel que este congreso xoga na internacionalización da nosa lingua, en xeral, e na divulgación dos estudos galegos no ámbito da lusofonía e como foco de interese para os estudos lusófonos.
Catro días de programación
Baixo o título Horizontes dos Estudos Galegos e /na Lusofonía, esta nova edición do congreso da AIEG parte do tradicional vínculo entre Galicia e os países lusófonos para promover o debate, a crítica e novas propostas sobre as relacións no espazo cultural, académico e institucional.
Farao a través de relatorios, paneis, mesas e sesións plenarias nas que participarán especialistas das tres universidades galegas, pero tamén do ámbito nacional e internacional, que discutirán sobre os campos lingüístico, literario, histórico, económico, antropolóxico, filosófico, sociolóxico e artístico.
No marco do congreso tamén terán cabida as actividades culturais, como excursións ou exposicións, especialmente dirixidas á mocidade investigadora; ou a presentación de produtos académicos e proxectos, como o Proxecto Nós, impulsado polo Goberno galego para incorporar a lingua propia de Galicia á vangarda da Intelixencia Artificial.
O broche de ouro a catro días de congreso porao a reedición da gala aRi[t]mar 2023, que chegará por primeira vez a territorio luso este sábado 20 ás 21.30 h no Espaço Vita de Braga. No evento, que celebra cada ano o mellor da música e da poesía galega e portuguesa, volverán soar as cancións gañadoras da edición do pasado ano -o Lisístrata de Fillas de Cassandra- e o Maçãzinha, de Retimbrar en colaboración con Uxía Senlle- e os poemas máis votados -Mamá fala en linguaxes de documentos predeterminados, da ourensá Arancha Nogueira e Se de repente perto fosse um verbo, da barcelense Maria Isabel Fidalgo.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
