domingo, 8 de noviembre de 2026
O noso principal labor vai consistir en desenvolver partículas baseadas en pigmentos e colorantes capaces de captar enerxía solar e con capacidade de refrixeración, que despois serán empregados para fabricar os dispositivos sostibles que xeren electricidade e regulen a súa temperatura, salienta a docente da Facultade de Química, quen conta cunha longa traxectoria investigadora no campo do deseño e aplicación de materiais nanoestruturados durante máis de 20 anos, realizando achegas relevantes na síntese de nanopartículas de ouro e prata mediante a Química Coloidal.
Apto para todo tipo de superficies e adaptable a toda Europa
Coordinado pola Universidade do Minho e con socios de cinco países -Portugal, España, Francia, Austria e Países Baixos-, Adaptation contribuirá a lograr unha economía limpa e resiliente fronte ao cambio climático producindo o primeiro material captador de luz apto para todo tipo de superficies e adaptable a todas as zonas xeográficas de Europa.
Por diante quedan catro anos de traballo nos que a idea é chegar a crear unha serie de dispositivos que absorban a enerxía solar para convertela en electricidade á vez que sexan capaces de arrefriarse a si mesmos, evitando perdas de enerxía. Para conseguilo traballarase a nivel molecular da mesma maneira que se organiza o tecido fotosintético natural de cara a xerar eses novos materiais que serán a base dos novos dispositivos.
Eses futuros aparellos estarán formados por varias estruturas nanométricas e terán as propiedades necesarias de absorción e transporte de enerxía, así como de control térmico.
Noves entidades de cinco países
Adaptation está financiado coas denominadas axudas Pathfinder da Unión Europea, destinadas ao financiamento de proxectos disruptivos que apoian o desenvolvemento en fases iniciais de tecnoloxías futuras, baseadas en investigación de alto risco e alta ganancia de tecnoloxía.
Neste caso participan nove entidades de cinco países distintos:a a Universidade de Minho e o Laboratorio Ibérico Internacional de Nanotecnoloxía (INL), por parte de Portugal; a Universidade de Vigo, o CSIC e as empresas Avanzare Innovation Tecnológica SL e Cooling Photonics; a Universidade de Estraburgo, por parte de Francia; a Universidade de Utrech, dos Países Baixos, e a empresa Sunplugged-solare Energiesysteme, de Austria.
A IP do proxecto é a investigadora galega Sara Núñez Sánchez, experta en Nanofotónica. Despois de diferentes estancias internacionais (Bristol, Exeter...) esta investigadora formou parte ata 2023 do cadro de persoal investigador do CINBIO, onde xa colaborou con Pastoriza en diferentes proxectos de investigación, entre eles Catarsis , dirixido tamén a desenvolver os fundamentos dunha nova tecnoloxía de captación de enerxía solar inspirándonos na natureza, máis concretamente, en como a enerxía é capturada e transportada na fotosíntese.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
