martes, 3 de noviembre de 2026
Nesa liña, avanzou que os socios que participan nesta iniciativa, liderados polo Instituto de Estudos do Territorio (IET), ente dependente da Vicepresidencia Segunda e Consellería de Medio Ambiente, Territorio e Vivenda, ademais de poñer en marcha a Escola Galaico-Portuguesa de Infraestrutura Verde, elaborarán catro documentos de planificación estratéxica e desenvolverán sete proxectos sobre esta materia.
O obxectivo é facilitar a capacitación dos traballadores públicos das administracións locais e provinciais no desenvolvemento dunha estratexia de infraestrutura verde, aseverou Ángeles Vázquez, que lembrou que esta medida ten adquirido nos últimos anos un papel destacado na ordenación territorial, na política e na investigación.
A maiores, a vicepresidenta segunda subliñou que a infraestrutura verde é unha das principais ferramentas para garantir a preservación da biodiversidade e para reforzar a resiliencia dos territorios ante o cambio climático. E, ademais, repercutirá nunha maior calidade de vida para a veciñanza polos beneficios económicos, ecolóxicos e sociais que implica.
Así, logo de explicar que Galicia está a ultimar a súa Estratexia da infraestrutura verde e da conectividade de restauración ecolóxica, Ángeles Vázquez puxo en valor a suma de esforzos que supón esta colaboración transfronteiriza de cara a avanzar na consecución de obxectivos comúns.
De feito, nesta iniciativa, que conta cun orzamento de máis de 2,1 M, financiado no marco do Programa Interreg España - Portugal (POCTEP 2021-2027), participan, ademais do IET, un conxunto de entidades locais, administracións supramunicipais con competencias nesta materia e organismos universitarios da Eurorrexión Galicia-Norte de Portugal.
Máis polo miúdo, por parte de Galicia participan a Universidade da Coruña, Concello de Pontevedra, Deputación de Ourense e a Fundación CEER, mentres que do lado portugués, forman parte do proxecto a Cámara de Paredes de Coura, a Universidade do Minho, a Cámara de Guimarães, o Laboratorio da Paisagem de Guimarães así como a Agência Portuguesa do Ambiente e o Instituto da Conservação da Natureza das Florestas.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
