viernes, 6 de noviembre de 2026
Así, destacou que no vindeiro exercicio se reeditarán programas que teñen amosado a súa efectividade de cara a seguir mellorando e incrementando a súa inserción laboral.
Nese senso, referiuse ao programa Investigo, posto en marcha en 2022 para incentivar a contratación de mozas e mozos nos eidos da investigación, a tecnoloxía e a innovación, como xeito de reter talento e contribuír á creación de postos de traballo cualificados. Volverá convocarse en 2024 tras acadar as 741 persoas beneciadas cun orzamento de 22,3 millóns de euros, entre o ano pasado e este.
Tamén falou das bondades do programa de práctica profesional para a mocidade menor de 30 anos, axudando na inserción laboral con competencias para o emprego, que continuará en 2024 tras beneficiar máis de mil persoas entre 2022 e 2023 cun orzamento de 19,5 millóns.
Igualmente, e dentro do Programa Operativo Fondo Social Europeo Plus 2021-2027, seguiranse impulsando axudas dirixidas a mellorar as oportunidades laborais das persoas mozas demandantes de emprego e, en particular, das inscritas no Sistema de Garantía Xuvenil. Neste caso, Elena Rivo recalcou que as iniciativas con fondos europeos para promover a contratación de persoas mozas en organismos intermedios sen ánimo de lucro ou en empresas roldaron este ano o medio milleiro de persoas beneficiadas, cun presuposto global próximo aos 4 millóns de euros.
A maiores, a titular de Promoción do Emprego e Igualdade puxo de relevo outras iniciativas que deron os seus froitos nos últimos anos, como o Programa Primeira Experiencia Profesional na Administración Pública, con 368 mozas e mozos beneficiados cun orzamento de 10,9 millóns de euros. Tamén o Galicia Emprega, para incentivar a contratación das persoas menores de 30 anos que carezan de ocupación, desempregadas e inscritas como demandantes de emprego, favorecendo a súa contratación na empresa ordinaria e, especialmente, daquelas que teñen maiores dificultades, incluíndo unha liña específica para a xuventude. Conta cun total de 1.791 mozas e mozos beneficiados, cun orzamento de 9 millóns de euros.
Así mesmo, a conselleira recalcou que as persoas mozas son un colectivo prioritario, con acceso preferente noutros programas como o de promoción do emprego autónomo, o de cooperación ou o de subvención para o fomento do emprego no medio rural. En definitiva, medidas que proban o compromiso da Xunta de Galicia a favor da mocidade galega, porque as mozas e mozos son unha prioridade para a totalidade deste Goberno e así seguirá séndoo nos vindeiros anos, en palabras de Rivo.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
